Diane Nyirashimwe ubarizwa mu matsinda abiri akomeye mu muziki wa Gospel mu Rwanda ari yo True Promises na Healing worship team, mu gihe habura iminsi micye agakora ubukwe, yakorewe ibirori bya Bridal shower.
Nkuko Inyarwanda.com ibikesha bamwe mu bari muri ibi birori bya Bridal shower byakorewe Diane, badutangarije ko byabereye mu mudugudu wa Byimana, mu kagari ka Kanserege mu murenge wa Kagarama mu karere ka Kicukiro. Ni ibirori byitabiriwe n'urungano rwa Diane yaba inshuti ze za hafi ndetse n'abo mu muryango we.
Ubusanzwe Bridal shower ni ibirori bikorerwa umukobwa ugiye gushyingirwa ahanini ibi birori bikaba bikorwa mu rwego rwo kumushyigikira mu buryo bw’ubushobozi kugira ngo azabashe kujya kubaka urwe ntawe umunyujijemo ijisho. Muri ibi birori, umukobwa ugiye gushyingirwa ahabwa impano zinyuranye ndetse n'impanuro.
Ubukwe bwa Diane n’umukunzi we Eric Mpore usanzwe uba muri Leta Zunze Ubumwe za Amerika, buzaba muri uku kwezi kwa Nzeri bubere mu Rwanda. Tariki 29 Nzeri 2017 hazaba umuhango wo gusaba no gukwa, hanyuma tariki 30 Nzeri 2017 habe umuhango wo gusezerana imbere y’Imana n'imbere y'abakristo.
REBA AMAFOTO Y'UKO BYARI BIMEZE MURI BRIDAL SHOWER YA DIANE
Diane hamwe na Mutesi Solange babana muri True Promises bakatanye umutsima wari wateguwe
Umutsima wari wateguriwe Diane
Urungano rwa Diane rwitabiriye ku bwinshi ibi birori
Diane (iburyo) hamwe na murumuna we Uwase Doreen (ibumoso) umukurikira bwa kabiri
Ibyishimo byari byose kuri Diane n'urungano rwe
Ubutumire bw'ubukwe bwa Eric Mpore na Diane
AMAFOTO: Bienvenue (Pax)
REBA HANO 'MANA URERA' IGARAGARAMO DIANE
REBA HANO 'MANA IMBARAGA ZAWE' IGARAGARAMO DIANE
Eng
RSS 
TANGA IGITECYEREZO