Ikipe ya Liverpool yanyagiye Arsenal ibitego 4-0 mu mukino w'umunsi wa gatatu wa shampiyona waberaga i Anfield Road. Roberto Firmino (17'), Sadio Mane (40'), Mohammed Salah (57') na Daniel Sturridge (77') ni bo batsindiye Liverpool.
Ni umukino wa kabiri Arsenal yatsindwaga mu mikino itatu imaze gukina kuko iheruka gutsindwa na Stoke City igitego 1-0 ku munsi wa kabiri wa shampiyona kuri ubu iyobowe na Manchester United n'amanota icyenda (9) kuko itaratsindwa cyangwa ngo inganye umukino.
Itsinzi ya Liverpool yatangiye ku munota wa 17' ubwo Roberto Firmino yarebaga mu izamu mbere yuko Sadio Mane arekura ishoti ku munota wa 40' w'umukino bityo bajya kuruhuka Liverpool iri imbere n'ibitego 2-0.
Bavuye kuruhuka byategereje iminota 12' gusa kugira ngo Mohammed Salah asige abugarira ba Arsenal mbere yo gushyira umupira mu rucundura ku munota wa 57'. Igitego cya kane cya Liverpool cyatsinzwe na Daniel Sturridge wagiye mu kibuga asimbuye Sadio Mane.
Nyuma y'imikino itatu buri kipe imaze gukina, Arsenal iri ku mwanya wa 16 n'amanota atatu (3) mu gihe Liverpool iri ku mwanya wa kabiri n'amanota arindwi (7).
Dore abakinnyi babanje mu kibuga n'amanota bahawe (Abasimbura):
LIVERPOOL (4-3-3): Karius 6 : Gomez 8.5, Matip 7, Lovren 6.5, Moreno 7: Wijnaldum 7.5, Henderson 7, Can 8 (Grujic 83): Mane 8 (Sturridge 74), Firmino 8 (Milner 80), Salah 8
Abasimbura batakinnye: Ward, Alexander-Arnold, Klavan, Solanke
ARSENAL (3-4-3): Cech 7, Holding 5, Koscielny 5, Monreal 4: Oxlade-Chamberlain 4 (Lacazette 62, 4), Xhaka 4, Ramsey 5 (Coquelin 46, 5), Bellerin 4: Sanchez 4 (Giroud 62, 5), Welbeck 6, Ozil 4
Abasimbura batakinnye: Ospina, Mustafi, Kolasinac, Walcott
Sadio Mane arekura ishoti ryabyaye igitego
Igitego cya Sadio Mane cyaje gisanga icyo Roberto Firmino yatsinze ku munota wa 17'
Mohammed Salah yaje yungamo ku munota wa 57'
Daniel Sturridge yishimira igitego
Roberto Firmino ateresha umutwe
Firmino yishimira igitego
Jurgen Kloop ashimira abakinnyi
Arsen Wenger yabuze aho ahera
Umunya-Senegal Sadio Mane abyina buhoro
Abakinnyi ba Liverpool bashimira Sadio Mane
Mohammed Salah yazamutse wenyine
Umunya-Misiri Salah yiyereka abafana
Alexis Alesandro Sanchez yahise abura imbaraga
Mbere yuko Sturridge ajya mu kibuga
Igitego cya Daniel Sturridge
Petr Cech agerageza kuguruka
Aresen Wenger n'abamwungirije bari bumiwe
Urutonde rw'agateganyo rwa shampiyona
Igitego Mohammed Salah yahushije
Danny Welbeck ashabika igitego
Alexandre Lacazette ashaka igitego cy'impozamarira
Emre Can akurikiwe na Aaron Ramsey wa Arsenal
Ubwo Liverpool bishyushyaga mbere y'umukino
PHOTOS:DailMailOnline
TANGA IGITECYEREZO