Ni imikino ya kamparampaka (playoffs) isoza shampiyona ya Volleyball mu bagabo ikinwa n’amakipe Ane(4) ya mbere muri shampiyona aho amakipe aba atanguranwa gutsinda imikino ibiri (2). Kuri uyu wa Kabiri tariki 15 Kanama 2017 hakinwaga umukino wa kabiri Gisagara ikaba igeze ku mukino wa nyuma isezereye APR VC iyitsinze imikino Ibiri yikurikiranya.
Ni Gisagara VC yasoje shampiyona ari iya Mbere(1) yari ifite kuzikiranura na APR VC yari yabaye iya Kane(4) ,iyi kipe y'Aakarere ka Gisagara rero ikaba igeze ku mukino wa nyuma itsinze APR VC imikino Ibiri (2) ikurikirana kuko umukino wa Mbere yari yayitsinze amaseti 3-1 (25- 22; 15- 25; 25- 22; 25 – 23) inayitsinda umukino wa Kabiri (2) amaseti 3-1 nabwo (21-25;25-22;26-28;20-25).
Undi mukino wagombaga guhuza ikipe ya Kirehe VC yasoje shampiyona iri ku mwanya wa Kabiri (2) na IPRC-South yasoje ku mwanya wa Gatatu warangiye ikipe ya Kirehe itsinze amaseti 3-2 (15-25;25-17;25-22;22-25;11-15) ubwo bivuze ko bazakina umukino wo kubakiranura kuko ikipe ya IPRC-S yari yatsinze umukino wa Mbere amaseti 3-2(21-25; 25-23; 11-25; 26-24; 15-6). Gisagara VC ikaba izahura ku mukino wa nyuma n’ ikipe izakomeza hagati ya Kirehe na IPRC-S.
Imikino ya playoffs mu bagabo izasubukurwa tariki ya 26, Kanama, nyuma y’imikino ya KAVC izabera i Kampala muri Uganda aho rizitabirwa n’amakipe ari gukina playoffs.
Dore uko imikino yagenze:
Umukino wa Mbere
Gisagara VC 3-1 APR VC
Kirehe VC 3-2 IPRC-S
Imikino ya Kabiri
Gisagara 3-1 APR VC
Kirehe 3-2 IPRC-S
Gisagara VC yishimira amanota
Umukino ntiwari woroshye kuri APR VC
APR VC yakoze ibishoboka byose ariko amahirwe ntiyayisekera
Gisagara VC ntiyifuzaga gutegereza ko bakiranurwa n'umukino wa Gatatu
Kwizera Pierre Marshal nawe (wambaye numero 7) yafashije ikipe ye kwitwara neza
Abafana ntibari benshi
Abasimbura b'ikipe ya Gisagara VC
Gisagara bishimira inota
Patrick Kavalo nawe yafashije ikipe ye kugera ku ntsinzi.
Mutabazi Yves kapiteni w'ikipe ya APR VC.
Ndamukunda Flavien
Yanditswe na:IRADUKUNDA Yvonne
AMAFOTO:MIHIGO Saddam
TANGA IGITECYEREZO