Umuhanzikazi Marina yamaze kubona abamufasha mu rugendo rwa muzika

Ibi byatumye twifuza kumenya niba koko Uncle Austn yatandukanye na Marina ntakibazo bafitanye bagatandukana neza. Ibi byose Uncle Austin yabishubije ahamya ko we icyo yakoze yabonye umukobwa ufite impano akiyemeza kumufasha bityo ngo nyuma yaho baboneye umushoramari ushobora gufasha uyu muhanzi,  yanga kubangamira amasezerano bagirana ahubwo ahita arekura uyu mukobwa ubu wamaze kubona abaterankunga bashya muri muzika.

Uncle Austin niwe watangaje urugendo rushya Marina agiye gutangiraMarina yasubije Uncle Austin amushimira byinshi yamufashije

Marina magingo aya ari gufashwa n’umusore witwa Ramadhan ariko abakurikuranra hafi iby’imyidagaduro bamwita Rama, uyu ngo bafitanye amasezerano y’igihe kirekire ndetse n’ibikorwa byarangiye dore ko hari indirimbo biteguye gushyira hanze mu minsi ya vuba cyane.

Uyu musore wiyemeje gufasha Marina yagize ati”Uyu mukobwa ni mushya muri muzika, ntabwo amaze igihe ariko yamaze kwerekana imbaraga ze ni umuhanga benshi babihamya, impano nk’iriya ni iyo gushyigikira rero nifuje ko twakomezanya urugendo rwe rwa muzika, twabiganirije Uncle Austin wamufashaga yarabyemeye ntakibazo ndetse vuba aha turabaha ibihangano bishya by’uyu muhanzikazi.”

Umuhanzikazi Marina

Marina ku rukuta rwa Instagram rwa Uncle Austin yashimiye bikomeye Uncle Austin kuri buri kimwe yamufashije amushimira urwego amugejejeho anahamya ko byanze bikunze azagera kure nk'uko Uncle Austin yajyaga abimubwira. Amakuru agera ku Inyarwanda.com ni uko n'ubundi Uncle Austin azakomeza kuba hafi uyu muhanzikazi ndetse nabari kumufasha dore ko batandukanye ariko ntacyo bapfuye.

Rama, uyu niwe ugiye gufasha Marina muri muzika

Marina wamenyekanye muri uyu mwaka wa 2017 yadutse mu ndirimbo ye ya mbere yise ‘Byarara bibaye’ nyuma y’iyi yaje gukora indi yise  ‘Bikakubera’ ndetse kandi yumvikanye mu ndirimbo ‘Too Much’ yahuriyemo nabahanzi b’ibyamamare ikunzwe muri iyi minsi.

UMVA HANO INDIRIMBO MARINA AHERUTSE GUSHYIRA HANZE YISE 'BIKAKUBERA'