MU MAFOTO: Ihere ijisho uko byari bimeze mu gitaramo Upendo yatumiyemo Patient Bizimana mu gusoza 'Upendo Ineza week'

Umuryango Upendo umaze imyaka 4 utangijwe ku rwego rw’isi, mu Rwanda ukaba umaze imyaka ibiri uhakorera, magingo aya mu Rwanda ukaba uhafite abanyamuryango 60. Upendo igizwe n’abantu baturuka mu matorero atandukanye, bakaba bakora ibikorwa by’urukundo binyuze mu ijambo ry’Imana. Ni umuryango watangirijwe muri Canada n’uwitwa Anita, kuri ubu ukaba ukorera mu bihugu 17 ku isi birimo: U Rwanda, u Burundi, Uganda, Canada, Leta Zunze Ubumwe za Amerika, u Bubiligi, u Bufaransa, Dakar, Suwede n’ibindi.

Patient Bizimana mu gitaramo cyateguwe na Upendo

Iki gitaramo cyabereye kuri Sonatube mu mujyi wa Kigali kuri Classic Hotel. Usibye Patient Bizimana, abandi bahanzi bifatanyije na Upendo hari: Mucyowase Jessica,Voice of Winners na Kevin Paulin.Pastor Joseph Mureganshuro uyobora itorero Mount Olives Temple ni we wigishije ijambo ry'Imana. Uyu mukozi w'Imana yahishuye ko ari umukunzi ukomeye w'indirimbo za Patient Bizimana ndetse anavuga uburyo yagiye muri Kigali Convention Centre mu gitaramo cya Patient akabura aho yicara n'aho ahagarara kubera ubwinshi by'abantu bari bahari. Yasabiye umugisha Patient amusaba kuguma mu Mana kuko harimo uburyohe. 

Pastor Joseph yafashijwe cyane n'indirimbo za Patient Bizimana

Iki gitaramo kitabiriwe n'abanyamurwango ba Upendo Rwanda hamwe n'abo muri Upendo zo mu bindi bihugu nka Uganda, Burundi, USA, UK n'ibindi. Benshi mu bafashe ijambo, bagiye bashimira Anita watangije uyu muryango, bashimira Imana yabashoboje ndetse bahigira Imana ko bazakomeza kurangwa n'ibikorwa by'urukundo ndetse bakabikundisha abandi. 

Bakase umutsima, batangarizwa ko umwaka utaha bazakora ibirori byo kwizihiza imyaka itanu

Iki gitaramo cyabaye mu rwego rwo gusoza igikorwa cya 'Upendo Ineza week' aho abanyamuryango ba Upendo bakoze ibikorwa binyuranye by'urukundo bagasura abatishoboye n'abarwayi, bakabereka urukundo. Tariki 25 Nyakanga 2017, ni bwo Upendo Rwanda hamwe n'abandi bagize Upendo zo mu bindi bihugu kuri ubu bari mu Rwanda, basuye abafite ubumuga bwo mu mutwe bo mu kigo cy’ababikira b’abakarikuta kiri ku Muhima mu mujyi wa Kigali, basangira nabo, bakinana nabo imikino itandukanye. Usibye kuba babahaye n’inkunga, banabasengeye. 

Ibi bikorwa byarakomeje no kuri uyu wa Gatatu tariki 26 Nyakanga 2017 aho abanyamuryango ba Upendo basuye umudugudu wa Mageragere w’abapfakazi, imfubyi n’incike za Jenoside yakorewe abatutsi muri Mata 1994, babaha ubufasha bw'imyambaro n’ibyo kurya.

Kugira urukundo no kurugaragaraza abantu ni yo ntego ya Upendo

Muri iki gikorwa, Upendo yaganiriye n’aba batishoboye baganira ku ijambo ry’Imana, baramya Imana mu ndirimbo zitandukanye ndetse hatangwa n’ubuhamya. Ikindi ni uko benshi bakozweho n'ijambo ry'Imana ryigishijwe ndetse hakaboneka n'abakira agakiza bakiyegurira Yesu.

Tariki 28 Nyakanga 2017, Upendo yakomeje ibikorwa by'urukundo, isura abarwayi bari mu bitaro bya Kibagabaga, irabaganiriza ibaha ubufasha. Nkuko Inyarwanda.com tubikesha Laetitia Sezicyeye uhagarariye Upendo Rwanda,Upendo igendera ku cyanditse kiri mu Abafilipi 2:1-5 havuga ngo:

Nuko niba hariho gukomezwa kuri muri Kristo, kandi niba hariho guhumurizwa kuzanwa n'urukundo, niba hariho no gusangira Umwuka, niba hariho imbabazi n'impuhwe. Musohoreshe umunezero wanjye guhuriza imitima mu rukundo, mwibwira kumwe muhuje imitima. Ntimukagire icyo mukorera kwirema ibice cyangwa kwifata uko mutari, ahubwo mwicishe bugufi mu mitima, umuntu wese yibwire ko mugenzi we amuruta.Umuntu wese muri mwe areke kwizirikana ubwe gusa, ahubwo azirikane n'abandi. Mugire wa mutima wari muri Kristo Yesu.

MU MAFOTO REBA UKO BYARI BIMEZE MU GITARAMO CYA UPENDO

Babanje kuramya no guhimbaza Imana

Barimo guhamagara Imana binyuze mu kuyiramya

Ba 'Mama' Upendo mu gitaramo gisoza 'Upendo Ineza week'

Yasabanye n'Imana binyuze mu kuyiramya

Voice of Winners Worship team yo mu itorero Mount Olives Temple

Abo muri Upendo basanze kuri stage Voice of Winners bafatanya kuramya Imana

Patient Bizimana na Olivier Roy bari muri iki gitaramo

Hano ni mu gihe cyo 'Guhoberana kwera'

Anita uyobora Upendo ku isi, uyu akaba ari na we watangije uyu muryango

Laetitia Sezicyeye uyobora Upendo Rwanda

Patient Bizimana yahesheje umugisha abari muri iki gitaramo 

Patient yaririmbye Ubwo buntu, Menye neza n'izindi zinyuranye

Pastor Joseph Mureganshuro yavuze ko hari igihe ajya yikingirana mu cyumba akaririmba indirimbo za Patient Bizimana kuko ngo ijwi rye riryohera gusa Yesu

Aba ni bamwe mu bari bashinzwe kwakira abantu

Ubwo bakiraga Pastor Joseph ngo yigishe ijambo ry'Imana

Pastor Joseph yashimiye cyane Upendo kubw'ibikorwa by'urukundo ikora

Abahagarariye Upendo mu bihugu binyuranye

Bakase umutsima bishimira imyaka ine umuryango Upendo umaze

MU MAFOTO REBA UKO 'UPENDO INEZA WEEK' YAGENZE

UBWO UPENDO YARI YASUYE ABAFITE UBUMUGA BWO MU MUTWE (Mu mafoto ariko ntabwo tugaragaraza abafite ubu bumuga)

Hano bari bageze ku Muhima ahari ikigo kibamo abafite ubumuga bwo mu mutwe

Bimwe mu byo babafashishije

Hano bari berekejeyo

Nyuma yo kuvayo bafashe ifoto y'urwibutso

REBA AMAFOTO Y'UKO BYARI BIMEZE UBWO UPENDO YAJYAGA I MAGERAGERE

Ubwo bari bageze i Mageragere

Anita watangije Upendo, hano yari mu kazi n'umutima we wose

Bimwe mu byo bafashishije incike za Jenoside yakorewe abatutsi

Baricaye baraganira

Bamwe bakiriye agakiza

Nyuma y'aho bafashe ifoto y'urwibutso

UKO BYARI BIMEZE UBWO BASURAGA ABARWAYI KU BITARO BYA KIBAGABAGA

Basangiye n'abarwayi n'abarwaza babo

Bafashe ifoto y'urwibutso

AMAFOTO: Lewis IHORINDEBA/ Inyarwanda.com