RFL
Kigali

Kipenzi yakiriwe n’umuryango wa Apotre Gitwaza atungurwa no gusanga ari we muhanzi bakunda-AMAFOTO

Yanditswe na: Mupende Gedeon Ndayishimiye
Taliki:26/07/2017 8:45
0

Umuhanzi Bigizi Gentil wamenyekanye cyane nka Kipenzi, kuri uyu wa kabiri tariki 25 Nyakanga 2017 yakiriwe n’umuryango wa Apotre Dr Paul Gitwaza, yifatanya nabo mu birori by’isabukuru y'ubuheta bwa Apotre Paul Gitwaza.



Kuri uyu wa 25 Nyakanga 2017, Gitwaza Luc, ubuheta bwa Apotre Paul Gitwaza yari yujuje imyaka 15 y'amavuko, aratungurwa akorerwa ibirori by'isabukuru, hatumirwa umuhanzi akunda cyane ari we Kipenzi, Gitwaza Luc arushaho kwishima. Kipenzi yageze mu rugo rwa Apotre Gitwaza asanga abagize uyu muryango bose bakunda indirimbo ze by'umwihariko iyitwa Kipenzi. 

Gitwaza Luc

Umutsima wari wateguriwe Gitwaza Luc wari wujuje imyaka 15

Bigizi Gentil uzwi cyane nka Kipenzi ni umuhanzi ukunzwe mu ndirimbo; Kipenzi, Ntacyo mfite, Yesu arabaruta, Calvary, Alpha na Omega, Ariho n’izindi. Mu kiganiro na Inyarwanda.com, Kipenzi yadutangarije ko yatunguwe mu buryo bukomeye gusanga ari we muhanzi umuryango wa Apotre Gitwaza ukunda.

Ikindi cyamutunguye ni ugusanga yaba Apotre Dr Paul Gitwaza,Pastor Angelique Nyinawingeri (umugore wa Apotre Gitwaza) ndetse n'abana babo uko ari batatu (Elisée Gitwaza, Luc Gitwaza na David Gitwaza), bose bakunda indirimbo za Kipenzi mu gihe uyu muhanzi yatekerezaga ko Apotre Gitwaza n'umugore we batajya babona akanya ko kumva indirimbo bitewe n'inshingano zinyuranye bagira mu buzima bwa buri munsi. Yagize ati:

Byantunguye rwose ntabwo nari nziko babona n'akanya ko kumva indirimbo pe. Indirimbo zanjye zose nasanze bazikunda. Gusa nasanze izina banyita mu rugo ari Kipenzi bituma ari yo ndirimbo mbaririmbira. Ikindi kumva ko ari njye muhanzi bakunze nabyo byantuye. 

Apotre Paul Gitwaza ni umwe mu bari muri ibi birori by'ubuheta bwe, gusa ntiyabashije kubikomeza bitewe n'inshingano yari afite kuri Zion Temple mu Gatenga. Umuryango wa Apotre Gitwaza washimiye cyane Kipenzi kubwo guhanga neza, bamusaba gukomeza gusenga Imana ikaba iya mbere mu byo akora byose. 

Kipenzi

Kipenzi asuhuza umufasha wa Apotre Gitwaza

KipenzoKipenzi

Kipenzi afatanya na Gitwaza Luc gutaka umutsima 

Kipenzi

Mu muco nyarwanda umushyitsi wagusuye uramuzimanira,..Kipenzi bamuhaye icyo kurya

Kipenzi

Nyuma baje gufata ifoto y'urwibutso

Kipenzi

Kipenzi hamwe na Luc Gitwaza, ubuheta bwa Apotre Gitwaza

REBA HANO 'NTACYO MFITE' YA KIPENZI







TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND