Umuhanzi Geosteady yatandukanye n’umukunzi we bigirwa ibanga

Aya ni amakuru yavuzwe ku nshuro ya mbere ubwo uyu mugore yandikaga ku rukuta rwe rwa facebook ko yamaze gutandukana na Geosteady gusa benshi barabihinyuye bavuga ko ari mu rwego rwo gukurura itangazamakuru dore ko muri iyo minsi Geosteady yateguraga igitaramo no gushyira hanze indirimbo nshya.

Gusa Prima yaje kubihamya ubwo yaganiraga n’umunyamakuru wa Ugblizz avuga ko hashize amezi 7 batandukanye n’ubwo babigize ibanga agira ati ”Twaratandukanye hashize amezi arindwi,ubu ndi kumwe n’undi muntu”.

Amagambo ya Prima Kadashi asezera kuri Geosteady.

Uyu mugore yakomeje avuga ko uyu mukunzi we mushya adashaka ku mugaragaza mu itangazamakuru gusa ngo bari kumwe kandi ni na we uri kumufasha kurera umwana.Ni nyuma y’imyaka ine aba bombi bari bamaze babana ndetse uyu mugore akaba ari we wateraga inkunga Geosteady kuva yatangira umuziki.

src:Ugblizz