Ikipe y’igihugu y’u Rwanda y’umukino wa Volleyball yatsindiwe ku mukino usoza irushanwa ry’akarere ka Gatanu (Zone V) , itsinzwe na Kenya amaseti 3-1 (25-23, 25-22, 23-25 na 25-21) mu mukino wahuzaga amakipe yombi yamaze kubona itike y’imikino Nyafurika izabera mu Misiri.
Ikipe y’u Rwanda yatsinze South Sudan na Uganda mbere yo guhura na Kenya yari yaratsinzwe na Uganda.
Seti ya mbere yabaye iya Kenya kuko bayitsinze ku manota 25 u Rwanda rumaze kugeza ku manota 23. U Rwanda rwakomeje kugorwa kugeza mu iseti ya kabiri batsinzwemo ku manota 25-22.
Seti ya gatatu u Rwanda rwisubiyeho bitewe n'ingufu z'abafana, abasore ba Paul Bitok barayisubiza batsinze Kenya amanota 25-23. Seti ya kane Kenya yongeye kuyisubiza itsinze u Rwanda amanota 25-21.
Umukino wabanjirije uyu, ikipe ya Uganda yanyagiye South Sudan amaseti 3-0 (25-13, 25-18 na 25-20). South Sudan yavuye muri iri rushanwa nta mukino itsinze kuko hose yagiye itsindwa amaseti 3-0.
Ikipe y'u Rwanda
Ikipe ya Kenya
Abasifuzi b'umukino bajya inama
Mutabazi Yves mu kirere ashaka uko yakwimenyereza gutsinda
Indirimbo yubahiriza igihugu cya Kenya
Olivier Ntagengwa (ibumoso) na Mutabazi Yves (Iburyo)
Patrick Cavalo (ibumoso) na Sibomana Placide bita Madison (iburyo)
Paul Bitok n'abamwungirije
Yakan Guma Lawrence (Ibumoso) na Ntagengwa Olivier (Iburyo)
Mukunzi Christophe kapiteni w'ikipe y'igihugu ya Volleyball
Abafana
Musoni Fred
Mahoro Ivan w'u Rwanda mu kirere akurikiye umupira
Yakan Guma Laurence atera umupira wa mbere (Service)
Ikipe y'u Rwanda yagowe mu maseti abiri ya mbere mbere yuko batsinda iya gatatu n'amanota 25-23.
AMAFOTO: Saddam MIHIGO Saddam/INYARWANDA.COM
Eng
RSS 
TANGA IGITECYEREZO