Umunya-Argentine ufatwa nk'umukinnyi w'ibihe byose mu mupira w'amaguru, Diego Armando Maradona, yitabye Imana azize indwara y'umutima. Ku mugoroba wo kuri uyu wa Gatatu tariki ya 25 Ugushyingo 2020 ni bwo inkuru y'urupfu rwa Maradona yatangajwe n'ibitangazamakuru byo muri Argentine.
Ku wa Mbere tariki ya 02 Ugushyingo 2020, Maradona yajyanywe mu
bitaro bya Buenos Aires biherereye mu murwa mukuru wa Argentina, aho
yari afite ikibazo cyo kubura amaraso ahagije n’amazi mu mubiri ku buryo
bukabije, kubera ikibyimba yari afite ku bwonko.
Maradona yaje gushakirwa umuganga wihariye abagwa iki kibyimba. Kuri ubu yamaze kwitaba Imana azize indwara y'umutima. Maradona wafashije Argentina kwegukana igikombe cy'Isi mu 1986, akanakora amateka akomeye muri Napoli yo mu Butaliyani, atabarutse ku myaka 60 y'amavuko azize uburwayi.
Maradona ufatwa nk'umukinnyi w'ibihe byose muri ruhago, yibukirwa cyane ku gitego cy'akaboko yatsinze u Bwongereza, ubwo argentine yasezereraga iki gihugu, bikanarangira yegukanye igikombe cy'Isi mu 1986. Maradona yatozaga ikipe ya Gymnasia yo mu cyiciro cya mbere muri Argentina.
Maradona yafashije Argentine kwegukana igikombe cy'Isi mu 1986
Maradona afatwa nk'intwali ya Argentina
Yibukirwa ku gitego cy'akaboko yatsinze u Bwongereza mu gikombe cy'Isi mu 1986
Maradona ubwo yari mu Burusiya areba imikino y'igikombe cy'Isi mu 2018
Maradona aheruka mu bitaro kubagwa ikibyimba cyo ku bwonko
TANGA IGITECYEREZO