Kuri uyu wa Gatatu kaminuza ya Johns Hopkins yavuze ko abantu barenga kimwe cya kane cya miliyoni bapfuye bazize Covid-19 muri Amerika.
Kugeza ubu Leta zunze ubumwe z’Amerika zimaze kugira abantu
benshi bahitanwa na coronavirus kuko
bageze kuri 250,029, muri Brezile abapfuye barangana na 166.699 naho mu buhinde
hamaze gupfa abantu 130,993.
Perezida Donald Trump yagiye asuzugura cyane virusi
akayifata nk’indwara idakaze ari nabyo
ahanini byatumye iyi ndwara ikomeza kwiyongera muri iki gihugu.
Muri leta zunze ubumwe za amerika buri munsi handikwa abantu barenga 1,000 bapfa n’abantu 150.000 bandura buri munsi. Umujyi wa New York ugiye kongera gufunga amashuri muri iki cyumweru ndetse wongeye gushyiraho amategeko abuza utubari na resitora gukora.
Coronavirus yahitanye abantu barenga 1,343,000 kuva iki
cyorezo cyagaragara mu Bushinwa mu Ukuboza k’umwaka ushize, Perezida uherutse
gutorwa Biden yasabye Abanyamerika kwambara masike ndetse no guhana intera kugeza igihe urukingo
ruzaboneka.
Src: France 24
TANGA IGITECYEREZO