Umuhanzi Marioo yaciye impaka zibazwa hagati ya Alikiba na Diamond umwami wa Bongo Flava

Anyuze ku rukuta rwe rwa Instagram, Marioo yanditse ati: ”Birashoboka ko sosiyete yakubaha ariko njye ntekereza ko Aslay urenze kure Alikiba na Diamond kuko ni wowe mwami wa Bongo Flava”.

Aslay na Marioo

Umuhanzi Marioo yongeyeho ko azi neza cyane ko abantu bategereza gushimira umuntu ari uko yapfuye rero asanga bikwiriye gushimira abahanzi b’abanyabigwi bakiriho. Umuhanzi Aslay ni umwe mu bahanzi bakoze umuziki wa Bongo Flava bakiri bato mu mateka ya Tanzaniya barimo Mr Blue, Young Dee, Dogo Janja na Young Killer.

Marioo wavuze ko Aslay ari we mwami wa Bongo Flava ni umuhanzi w’icyamamare ukora indirimbo zikundwa cyane ndetse zikanarebwa ndetse akora indirimbo zikamara ibyumweru byinsi ziri ku isonga mu bitangazamakuru bya Tanzania. Marioo mu 2017 yakoze indirimbo 'Dar Kugumu' ikundwa muri Tanzania hose. Ubu afite indirimbo zirenga 35 yakoze ziri mu njyana zitandukanye.

Marioo yemera cyane Aslay

Aslay Isihaka Nassoro ufatwa nk’umwami wa Bongo Flava mu mboni za Marioo, yamenyekanye mu 2011 ubwo yari mu biganza bya Mukubwa Fella. Mu 2019 Aslay yabarirwaga umutungo wa $150,000 (miliyoni 150 z’amafaranga y’u Rwanda). Uyu musore wamamaye akiri muto mu 2011 yagendaga mu modoka ya BMW ifite agaciro ka $35,000 yari yaratuje Nyina umubyara mu nzu y’akataraboneka ku myaka 17. 

Birashoboka ko ibyo bigwi byose ariyo ntandaro yo kuba Marioo amwita umwami wa Bongo Flava kuko yamamaye akiri muto. Mu 2019 kubasha kumvisha Dogo Aslay ko agomba kuza kukuririmbira mu gitaramo nibura ntiyajyaga munsi ya $10,000 (miliyoni 10 z’amanyarwanda).

Aslay yujuje inzu ihenze mu 2011 ubwo ba Diamond barimo bashakisha aho bamenera

Urubuga rwitwa WHOWNSKENYA.COM rugaragaza ayo yinjiza