Umunyabigwi mu mukino wo kwiruka ukomoka muri Jamaica, Usain Bolt, yashimangiye ko magingo aya rutahizamu wa Juventus ukomoka muri Portugal, Cristiano Ronaldo, yihuta kumurusha, yemeza ko ari umukinnyi mwiza kandi ukora akazi ashinzwe neza.
Usain
Bolt azwi nk’umugabo uzi kwiruka cyane(wihuta) kurusha abanda bose ku Isi, gusa
uyu mukinnyi yasezeye kuri uyu mukino mu 2017, ashyizeho uduhigodutandukanye
bizagorana kudukuraho.
Bolt
yemeza ko magingo aya Cristiano Ronaldo uzwiho kwihuta cyane mu kibuga,
ashhobora kuba amurusha kwihuta kubera ko ahozaho kandi ari umukinnyi mwiza.
Aganira
n’ikinyamakuru Marca, Bolt yagize ati” Mu byukuri Cristiano arihuta cyane
kundusha, kubera ko akora buri munsi, kandi ni umukinnyi mwiza”.
“Igihe
cyose ahora ari hejuru mu mukino we, kandi arakora cyane, ntabwo acika integer.
Magingo aya, ndatekereza ko yihuta cyane kundusha”.
Bolt
w’imyaka 34 y’amavuko, mu 2009 yaciye agahigo mu kwiruka metero 100, aho
yakoresheje amasegonda 9.58 mu irushanwa ryo ku rwego rw’Isi ryari ryabereye I Berlin
mu Budage, yongera gushyiraho akandi gahigo mu kwiruka metero 200, aho yazirutse
mu masegonda 19.19 mu myaka 11 ishize mu Budage.
Usain
Bolt yasezeye burundu ku mukino wo kwiruka mu 2017, aho yasize ashyizeho
agahigo ko kuba umukinnyi wegukanye imidali umunani (8) mu mikino ya Olympic.
Cristiano
Ronaldo wakiniye amakipe atandukanye ku mugabane w’I Burayi, akayafasha
kwegukana ibikombe bitandukanye birimo na Champions League, yegukanye umupira
wa zahabu uhabwa umukinnyi w’indashyikirwa ku Isi inshuro eshanu.
TANGA IGITECYEREZO