RFL
Kigali

Urban Images yashyizeho Promotion y’agahebuzo ku bafite ubukwe, wishyura gukorerwa amafoto na Video ugahabwa na ‘Sound’ y’ubuntu

Yanditswe na: Janvier Iyamuremye
Taliki:13/11/2020 17:30
0


Studio ya Urban Images yadabagije abageni n’abandi bayigana muri Promotion yise ‘Festive Season’, aho wishyura gukorerwa amafoto na Video (Weeding Photography) ugahabwa ibyuma (Sound System) by’ubuntu, ni mu rwego rwo gufasha abageni n’abandi gusoza neza umwaka wa 2020 binjira mu mwaka wa 2021.



Ntako bisa kuririmbirwa amagambo nk'aya ‘Araje araje araberewe, ni umugeni mwiza tumusanganire’ ku byuma bisohora neza umuziki bya studio ya Urban Images, ufatwa amafoto n’amashusho nayo asiga urwibutso kuri wowe, umuryango wawe, inshuti n’abandi.

Ntako bisa kandi kuririmbirwa indirimbo z’abahanzi barimo Kagambage, Masamba Intore n’abandi ku munsi udasanzwe mu buzima bwawe. Ugaragiwe n’ababyeyi, abavandimwe n’inshuti bazanywe no kubashyigikira ‘bageni beza’.

Ubukwe, isabukuru y’amavuko, ibirori byo gusezera ubukumi, kubatirisha, guhabwa amasakaramentu, gusoza amashuri n’ibindi ni bimwe mu bikorwa udashobora gusubirishamo ukundi mu buzima bwawe.

Ni ibirori bigira umwanya wihariye mu buzima bwa muntu, binatuma ubitegura ashishoza kandi agashyira imbere kubika urwibutso rwabyo.

Nk’ubu byakugora kubwira umwana wawe, ko utamukoreshereza ibirori ku munsi we w’amavuko. Byanakugora kubwira umugore wawe, ko amafoto uza kuyafata wifashishije telefoni, kandi Urban Images ari igisubizo.

Iminsi mikuru nk’iyi mu buzima bwa muntu uba uzakenera kuyereka abazukuru bawe n’iyo mpamvu ari byiza na studio yitwa Urban Images [The Best Images Experience], kuko bagufasha gutunga urwibutso rudasaza mu mafoto n’amashusho azira guhengereza.

Utegereje iki! Umuhanzi Humble Jizzo wo muri Urban Boys yabwiye INYARWANDA, ko muri iki gihe Abanyarwanda bitegura gusoza umwaka wa 2020 n’ubwo bari mu bihe by’icyorezo cya Covid-19, babashyiraho promotion izamara amezi atatu bise ‘Festival Season’.

Iyi promotion ni uguhabwa ibyuma by’ubuntu (Sound System) ukoresha mu birori byawe, kandi ugafotorwa, ugafatwa n’amashusho n’indi serivisi yose ushaka.

Hamagara kuri 0788 725 527 nawe utangire gukorana na Urban Images yashyizeho Promotion yihariye ku bageni n'abandi

Iyi Promotion yiswe ‘Festive Season’ igizwe na ‘Wedding Photography ndetse na 'Sound System’ y’ubuntu iratangira mu Ugushyingo 2020 izarangira muri Mutarama 2021.

Humble Jizzo ati “Muri iyi promotion yacu turaguha ‘sound’ y’ubuntu. Ntawakanga iryo gabanyirizwa rigeze aho ngaho. Ntawakitesha ayo mahirwe yo kumva afite ibyuma byiza yahawe kubera ko yakoranye na Urban Images.”

Intego zihariye za Urban Images

Studio ya Urban Images ifite intego yo kuba nyambere muri studio zifata amafoto meza mu Rwanda no hanze. Ni studio ishyize imbere kugaragaza umwihariko mu mafoto y’ubukwe, ay’ibirori, inama n’ibindi bikorwa birimo no gufata amafoto acyeye ibyamamare mu ngeri zinyuranye.

Mu Ukwakira 2020 ni bwo iyi studio yafunguwe. Yatangiranye ibikoresho byo ku rwego rwiza bitari bihagije, ariko ubu ifite ubushobozi bwo gukora muri buri gikorwa cyose yakwimbazwamo, kandi ku giciro gito.

Ifite ibikoresho byiza bigezweho, bishobora gutuma umuntu abona icyo yifuza mu gihe gito. Iyi studio inafata amafoto y’abakoresha ibirori byo gusezera ubukumi, iminsi mikuru y’amavuko, umuhango wo gushyingura n’ibindi.

Urban Images yimirije imbere ko mu mwaka wa 2021 izatangira gukora amashusho y’indirimbo z’abahanzi bo mu Rwanda n’abo mu mahanga.

Inafite abakozi b’abahanga biteguye gutanga serivisi nziza, kandi bakaguha ibyo wasabye ku gihe. Ibi byatumye iyi studio yimukira mu nzu nini, kugira ngo irusheho kwiyegereza abakiriya no gutanga ibiri ku rwego rwiza rushimwa.

Urban Images ifite umwihariko!

Mu gihe utegura ibirori by’amako atandukanye, kandi ushaka uzagufatira amafoto, amashusho n’ibindi bisiga urwibutso ifashishe Urban Images.

Ni studio iguha buri kimwe cyose ukeneye. Ndetse inatanga ibyuma by’umuziki (Sound System) wifashisha mu birori byawe aho kugira ngo ujye kubikodesha ahandi, baguhoza ku nkeke ngo amasaha yarenze bisubizeyo.

Uhabwa ibyuma ndetse n’abantu bagufasha gucomeka ibyo byuma. Unahabwa amatara nyongera rumuri igihe wakoreye ibirori byawe ahantu hakeneye urumuri, kandi ushaka kuharimbisha nk’abasirimu.

Ni studio nshya ariko si gito!

Abagannye Studio ya Urban Images bayibereye abaranga beza! Umubare munini w’abantu bari guhabwa serivisi n’iyi studio wagiye wagukwa biturutse ku bakoze amahitamo meza bagakorana n’iyi studio.

Humble Jizzo avuga ko bishimira intambwe ikomeye bamaze gutera mu gihe bamaze bakora. Akavuga ko hari nimero nyinshi z’abantu bashya bakira bababwira ko hari ababarangiye ko Urban Images iryoshya amafoto.

Ni ibintu avuga ko bibatera ishema n’ubwuzu, bigatuma bakomeza kurushaho gutanga serivisi nziza ku bakiriya babo, ari nako bagura ibyo bakora bifashishije abakozi b’abahanga bazobereye mu gufata amafoto asiga akanyamuneza ku bayifotoje.

Ati “Hari abatubwira ko nta yindi studio barabona ifata amafoto meza atarimo ibintu byinshi, ariko akoze ku rwego rwiza, uretse Urban Images.”

Uyu muhanzi avuga ko mu gihe bamaze batangiye bashyize imbere kwita ku ireme rya serivisi batanga, ko iki ari igihe cy’uko basarura ku matunda bateye. Ati “Ni igihe rero tugezemo cy’uko dukorera abantu ibintu byiza.”

Urban Images ifotora ubukwe, inama, bagusanga mu rugo bakagufotorana n’abawe, ikora ibyegeranyo n’ibindi bifite aho bihuriye n’amashusho ndetse n’amafoto.

Mu gihe wifuza gukorana na Urban Images wahamagara kuri 0788 72 52 57 cyangwa ukajya ku rubuga rwabo rwa instagram: @urbanimagesstudio cyangwa kuri: @urbanimages_wedding

Urban Images yashyize igorora abageni n'abandi bashaka kugira urwibutso rw'iminsi yihariye mu buzima bwabo

Yvan n'umukunzi we Divah bateye intambwe ikomeye mu buzima, bafatwa amafoto na Urban Images yizihiza isabukuru y'umwaka umwe imaze itanga serivisi inoze

Umuhango nk'uyu wo kwambikana impeta y'urudashira nta kuntu utakenerwamo amafoto n'amashusho yihariye akorwa na Urban Images

Urban Images ikorera mu gihugu hose, kandi iguha amafoto n'amashusho ku gihe mwumvikanye

Urban Images igufasha kurimbisha aho wakoreye ibirori, ikaguha na 'Sound System' y'ubuntu n'ibindi byinshi

Amafoto meza nk'aya ateye ubwuzu yafotowe na Urban Images nawe wayakorerwa igihe icyose

Urban Images yashyizeho Promotion y'agahebuzo, aho wishyura 'Wedding Photography' ugahabwa 'Sound System' y'ubuntu






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND