RFL
Kigali

Gisa Cy’Inganzo, Peace Hoziana, B-Threy muri 60 bakomeje mu irushanwa The Next Pop Star

Yanditswe na: Janvier Iyamuremye
Taliki:4/11/2020 11:24
0

Umuhanzi Gisa Cy’Inganzo wakunzwe mu ndirimbo ‘Uruyenzi’, umuraperi B-Threy uzwi mu njyana ya Kinyatrap ni bamwe mu bahanzi 60 bakomeye mu cyiciro cy’amatora mu irushanwa rya The Next Pop Star rigamije gushyira ku ntera nziza impano z’abahanzi nyarwanda.



Abakomeje muri iki cyiciro cy’iri rushanwa barimo abahanzi bakizamuka, abasanzwe bazwi n’abandi bagiye bahatana mu marushanwa akomeye mu muziki ndetse n’abasanzwe bafite indirimbo zizwi n’izikunzwe.

Aba bahanzi bari guhatanira kwegukana Miliyoni 50 Frw barimo Kivumbi, B-Threy, Gisa cy’Inganzo, Ish Kevin, Peace Hoziana na Elish The Gift bahatanye mu irushanwa ry’umuziki rya East Africa’s Got Talent, Credo uzwi muri gakondo n’abandi.

Muri iki cyiciro binjiyemo, aba bahanzi bazakora amashusho y’amasegonda macye azashyirwa ku mbuga nkoranyambaga z’irushanwa The Next Popstar no kuri Televisiyo KC2 abaturage babatore binyuze mu buryo bw’ubutumwa bugufi (SMS).

The Next Pop Star ni irushanwa rigamije kuzamura abahanzi Nyarwanda bakagera ku rwego mpuzamahanga. Ryateguwe na sosiyete mpuzamahanga zinyuranye zihagarariwe mu Rwanda na kompanyi itegura ibitaramo yitwa More Events. Ni ku nshuro ya mbere rigiye kuba.

Abahanzi 60 bakomeje ni: Pass, Mahoro Ines, Gisa cy'inganzo, Alain Jules, Mubirigi alleluia pierrine, ByiringiroEnnock, Cyubahiro Serge, Yannick gashiramanga, Kibatega Jasmine, Alice Lambert, Amahoro Gaga Ange, Credo santos Gihozo, B-Threye, Kenguruka Gift Eber, Ntambara Steven, Rwihimba Elie na Higiro Muhoza Therance.

Hari kandi Manzi Prince, Narada Nyiramugisha, Ish Kevin, Rash Raha, Manishimwe Delphine, Muhingabo Constantin, Bampire Joie, Milly, Ibyishaka Hertier, Kwihangana Elisha, Mukamana Jeanne, Niyibizi Jean Claude, Philip kenny Mirasano, Kenny K-Shot na Bellamie Ikuzo Raissa.

Ingabire Ndinda Marie Ange, Marina, Mfitumukiza Ndayisaba Yves, Rwamukwaya Theo Blaise, sammy Yvon Uwikunda, Uwineza Diane, Afrostars band, Isimbi Arcance, Karengera claude, Rugambwa Eric, bishanya Bigbang, Mukeshimana Melody na Sangwa Pia Durcis.

Uwihanganye Dieu Merci, Hoziana Peace, Eric Ntwari, Ineza Lydia, Musoni Andrew Kato, Nyatanyi Tuyisenge david, One Family one vision, Abayisenga Belynda, Amo Taylor, Kivumbi, Muhirwa Issa, Ineza Umwali Henriette, Sibomana Emmanuel, Patoss, Arnaud Ndacyayisenga na Abijuru Lydia.

Umuhanzikazi Peace Hoziana wahatanye muri East Africa's Got Talent ahatanye mu irushanwa The Next Pop Star rigiye kuba ku nshuro ya mbere

Gisa cy'Inganzo wakunzwe mu ndirimbo 'Uruyenzi' ahataniye Miliyoni 50 Frw mu irushanwa ry'umuziki

Umuraperi B-Threy ari mu bahanzi 60 bakomeje mu irushanwa ryitwa The Next Pop Star






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND