RFL
Kigali

Moussa Camara utegerejwe muri Rayon Sports yashyizwe mu kato nyuma yo kwandura Coronavirus

Yanditswe na: SAFARI Garcon
Taliki:2/11/2020 14:47
0

Rutahizamu ukomoka muri Mali wamaze kumvikana na Rayon Sports, Mousaa Camara, wari utegerejwe mu Rwanda muri iki cyumweru, yasanganywe Coronavirus ashyirwa mu kato, bikaba biteganyijwe ko azagera i Kigali mu cyumweru gitaha.



Moussa Camara yari ategerejwe mu Rwanda mu byumweru bishize ariko akagenda ahindura amatike yo kuza, mu cyumweru gishize nibwo yari yatangaje ko agomba kuba yageze muri Rayon Sports ariko mu ijoro ryo ku wa Gatanu, yasanganywe Coronavirus nyuma y’ibipimo byafashwe ku wa Kane, ahita ashyirwa mu kato.

Moussa Camara yakiniye Rayon Sports hagati ya 2016 na 2017, ayivamo ajya muri Ismaily Sporting Club yo mu Misiri, ariko ntiyahatinze kuko mu 2018 yerekeje muri MO Béjaïa yo muri Algérie, ayimaramo umwaka umwe mu gihe mu 2020 yasinyiye Sohar SC yo muri Oman ari nayo yakiniraga.

Bivugwa ko Camara yamaze kumvikana na Rayon Sports, ndetse akaba agomba guhita ashyira umukono ku masezerano akigera mu Rwanda.

Mbere yo kuva muri Rayon Sports, Camara yayifashije gutwara igikombe cya Shampiyona cya 2017, ayitsindiye ibitego 10 mu mikino 19 yakinnye.

Camara aziyongera ku bandi bakinnyi bashya Rayon Sports yamaze kugura harimo Mannasseh Mutatu wavuye muri Gasogi United na Jean Vital Ourega ukina mu kibuga hagati Rayon Sports yatijwe na TP Mazembe.

Camara yakiniye Rayon Sports ayifasha gutwara igikombe cya shampiyona





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND