RFL
Kigali

Umuyobozi Mukuru wa OMS yishyize mu kato nyuma yo guhura n’umuntu wanduye Coronavirus

Yanditswe na: Liliane Kaliza
Taliki:2/11/2020 10:39
0

Umuyobozi w’Ishami ry’Umuryango w’Abibumbye ryita ku buzima OMS yafashe icyemezo cyo kwishyira mu kato nyuma yo kumenya ko umuntu bahuye yanduye Coronavirus.



Tedros Adhanom Ghebreyesus umuyobozi w’ishami ry’umuryango w’abibumbye ryita ku buzima OMS yishyize mu kato nyuma yo kumenya ko umuntu yahuye na we yanduye coronavirus. Mu butumwa yanyujije kuri Twitter ye yagize ati: "Namenye ko nahuye n'umuntu wanduye COVID-19 nubwo nta bimenyetso mfite ariko nishyize mu kato kandi ndakomeza gukorera mu rugo".

Tedros yabaye ku isonga mu bikorwa by’umuryango w’abibumbye wita ku buzima byo kurwanya iki cyorezo. Covid-19 yahitanye abantu bagera kuri miliyoni 1.2 ndetse abantu barenga miliyoni 46 ku isi barayanduye kuva yatangira kugaragara mu Bushinwa mu mpera z'umwaka ushize.

Tedros yashimangiye kuri Twitter ko "ari ngombwa cyane ko twese twubahiriza amabwiriza yashyizweho  Uyu mugabo w'imyaka 55 wahoze ari minisitiri w’ubuzima n’ububanyi n’amahanga wa Etiyopiya amaze amezi ashimangira ko buri muntu afite uruhare mu guhagarika ikwirakwizwa rya virusi. 

OMS irahamagarira abantu bose kwitondera gukaraba intoki, kwambara masike no gukomeza gushyira intera hagati ye na mugenzi we. Iti "Birashoboka ibihugu byinshi bizasubira mu kato kuko abantu benshi bakomeje kwandura kuruta mbere".

Src: France 24






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND