RFL
Kigali

Nyuma y'imyaka 14 Arsenal itsindiye Manchester United ku kibuga cyayo

Yanditswe na: ISHIMWE Olivier Ba
Taliki:1/11/2020 21:12
0

Umukino w'umunsi wa 7 muri Shampiyona y'u Bwongereza, wahuzaga ikipe ya Manchester United yari yakiriye Arsenal, warangiye Mikel Arteta abashije kwikura ku kibuga cya Manchester United ku ntsinzi y'igitego 1: 0.



Umukino watangiye Arsenal isatira izamu ndetse yaje no kubona koroneri zigera kuri 2 ariko ntiyabasha kubona mo igitego.

Abakinnyi babanjemo

Man Utd: De Gea, Wan Bissaka, Lindelof, Maguire, Shaw, Fred, McTominay, Pogba, Bruno Fernandes, Rashford, Greenwood. Abasimbura: Cavani, Mata, Henderson, Matic, Williams, Van de Beek, Tuanzebe.

Arsenal: Leno, Bellerin, Gabriel, Holding, Tierney, Elneny, Partey, Saka, Willian, Lacazette, Aubameyang. Abasimbura: Ceballos, Runarsson, Maitland-Niles, Pepe, Mustafi, Nketiah, Xhaka.


Manchester United yasoje igice cya mbere iteye mu izamu inshuro imwe gusa, ibintu byaherukaga mu 2015 bakina na Manchester City.

Uko umukino wagendaga wicuma, amakipe yombi yageze aho aratuza ariko akanyuzamo agasatirana gusa ntibyigeze bigira icyo bitanga kuko igice cya mbere cy'umukino cyarangiye ari ubusa ku busa.

Igice cya kabiri cyatangiye Manchester United nk'ikipe yari iri iwayo ishaka kubona igitego ariko ba rutahizamu bayo bikomeza kubabera ibamba.


Mu mikino 4 Ole  aheruka kwakira afitemo inota 1 gusa yakuye ku ikipe ya Chelsea.

Ku munota wa 69 ni bwo Pierre Aubamiyang yatsindaga igitego kuri Penariti yari iturutse ku ikosa ryari rikozwe na Paul Pogba mu rubuga rw'amahina.

Arsenal yaherukaga gutsinda Manchester United iwayo mu 2006 hari hashize imikino igera kuri 14

Arsenal yakomeje kuyobora umukino ari nako Ole Gunner Solskjaer agerageza gukora impinduka gusa bitagize icyo bitanga kuko nyuma y'iminota 4 y'inyongera umukino warangiye ari igitego 1-0 bwa Manchester United.


Aubameyang ni we wabashije gutsinda penariti muri Premier League kuva mu 2006 nyuma ya Gilberto Silva mu 2006 na Van Persie mu 2011






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND