RFL
Kigali

Avoka ku mwanya wa mbere mu mbuto zidufitiye akamaro

Yanditswe na: Nadia Kangabe
Taliki:30/10/2020 9:42
0

Hari impamvu nyinshi zituma abantu bakunda kurya avoka, yaba ari mu mafunguro ya mu gitondo cyangwa aya kumanywa. Hari n’izindi mpamvu 8 abaganga badutegeka kuzirya cyane, ari nazo zikubiye muri iyi nkuru.



1)      Zitanga uruhu rwiza: Avoka zikungahaye kuri vitamin ya C ndetse na E, zifasha uruhu koroha no gusa neza. Zinarinda uruhu kurwara irwara zirimo nk’uduheri ndetse n’izindi zifata uruhu.

2)      Zifasha umusatsi gukura neza: Ku bari n’abategarugori avoka zibafasha kugira umusatsi mwiza udapfukagurika. Zituma kandi umusatsi uhora usa neza ukaba na muremure.

3)      Zitanga impumuro nziza: Ni kenshi abantu bagira impumuro mbi mu kanywa bakabura ni cyo bayivurisha. Ibi bibazo byose avoka irabirwanya ndetse ikanabivura neza.

4)      Zifasha umutima gukora neza: Abaganga kabuhariwe mu ndwara z’umutima bagira kenshi abantu inama yo kurya avoka kuko zibasha guhangana n’indwara zibasira umutima.

5)      Ni nziza ku babyeyi batwite: Ku bagore basamye, nabo bagirwa inama yo kurya avoka kenshi gashoboka kuko zifasha abana batwite kutazavukana ubumuga butandukanye.

6)      Zifasha uruhu gukira vuba: Mu buzima bwacu bwa buri munsi usanga dukunda gukomereka byahato n’ahato, avoka ifasha uruhu gukira vuba.avoka kandi inaha uruhu ubutahagarwa.

7)      Zifasha mu kugabanya ibiro: Mu biribwa kwa muganga bategeka kurya ku bantu bifuza kugabanya ibiro, avoka nayo iza ku mwanya wa mbere kuko amavuta aba muri zo afasha mu kugabanya ibiro.

8)      Zikomeza amagufa: Ku bafite indwara z’amagufa bagirwa inama yo kurya avoka cyane kuko zifite vitamin K ifasha mu gukomeza amagufa.

 

Izo ni impamvu 8 abaganga batugira inama yo kurya avoka mu buryo bukwiriye. Ukeneye kumenya byinshi kuri zo wasura urubuga rwa www.health.com






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND