RFL
Kigali

Perezida wa FIFA Gianni Infantino yanduye Coronavirus

Yanditswe na: SAFARI Garcon
Taliki:27/10/2020 19:31
0

Kuri ubu umuyobozi w'impuzamashyirahamwe y'umupira w'amaguru ku Isi, Gianni Infantino, yishyize mu kato nyuma yo gusanga yaranduye Coronavirus.



Kuri uyu wa kabiri tariki 27 Ukwakira 2020, nibwo byatangajwe ko Infantino yanduye Coronavirus, nyuma yo kugaragaza bimwe mu bimenyetso byayo, agahita yishyira mu kato mu buryo bwihuse kugira ngo atagira uwo yanduza.

Infantino azamara iminsi 10 mu kato kugira ngo abanze akire neza iki cyorezo.

Mu itangazo ryashyizwe hanze na FIFA ku mugoroba wo kuri uyu wa kabiri, yagize iti: "Twifurije perezida Infantino gukira vuba".

FIFA kandi yongeyeho ko abantu bose baheruka guhura n'uyu muyobozi ko bakwihutira kujya kwa muganga kwisuzumisha kugira ngo badakomeza gukwirakwiza icyorezo cya Coronavirus.

Infantino abaye ikindi gikomerezwa muri ruhago cyanduye Coronavirus nyuma y'umunyabigwi wa AC Milan Paolo Maldini, Zlatan Ibrahimovic, Paul pogba ndetse na Cristiano Ronaldo ukinira Juventus yo mu Butaliyani uherutse kwandura ubwo yari mu ikipe y'igihugu y'u Bufaransa.

Infantino yinjiye mu bikomerezwa muri ruhago byanduye Coronavirus





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND