RFL
Kigali

Niwe waciye agahigo ko kwinjira muri White house ari muto! Ibyo utari uzi kuri Sasha Obama umukobwa wa Barack Obama

Yanditswe na: Nadia Kangabe
Taliki:26/10/2020 16:02
0

Ubuzima bw’ibikomerezwa akenshi bukunze kuba ubwiru gusa iyo bigeze ku bana babo biba bigoye cyane kurushaho. Ni kenshi wagiye umenya byinshi kuri Barack Obama gusa umwana wakunze kumva ni umwe ari we Malia Obama naho Sasha wamwumvise gacye.



Ubusanzwe umwana wa Obama ukunda kugaragara n’abantu bakamenya amakuru ye ni imfura ye yitwa Malia Obama. Umuhererezi wabo ariwe Sasha Obama we kugeza kuri ubu hari byinshi abantu batamuziho bitewe n’uburyo adakunda kwigaragaza, muri ibyo bintu bimuranga abantu batazi ni byo tugiye kubabwiraho ibintu 6 muri iyi nkuru.


1.      Izina akoresha cyane rya Sasha ni akabyiniriro: Mu gihe papa we umubyara Barack Obama yari akiri perezida abantu bose bari bazi ko umuhererezi we yitwa Sasha. Ibi byaje guhinduka mu mwaka wa 2017 ubwo ababyeyi be batangaje ko umwana wabo abantu bazi ku izina rya Sasha ko ari akabyiniriro bamuhaye ahubwo ko yitwa Natasha Obama.

2.      Yigeze kurwara indwara ikomeye cyane: Uyu muhererezi wa Barack Obama wavutse muri 2001, ubwo yari amaze amezi 3 gusa avutse yaje gufatwa n’indwara ikomeye cyane izwi ku izina rya meningitis. Iyi ndwara ifata ubwonko ndetse ikaba inahitana benshi bayirwaye iyo badakurikiranywe n’abaganga uko bikwiye. Sasha Obama yarwaye iyi rwara mu gihe kingana n’umwaka nyuma aza kuvurwa arakira.

3.      Ni we mwana mu mateka y’isi winjiye muri White House afite imyaka mike: ubwo se Barack Obama yatorerwaga kuyobora Amerika, ni bwo we n’umuryango we bagiye kuba muri White House. Aha hari mu mwaka wa 2009 ubwo Sasha Obama yari agifite imyaka 7, mbere yuko uyu muryango uhajya hari hashize imyaka 50 nta mwana uri munsi y’imyaka 10 uhinjira. Sasha akaba ariwe waciye agahigo ko kwinjira muri White House ari muto.

4.      Akunda kugendana n’abahungu: Ni gacye cyane uzasanga umukobwa agendera mu itsinda ry’abahungu cyangwa ngo inshuti nyinshi ze zibe abahungu. Kuri Sasha Obama we siko bimeze kuko we akunda kugendana n’abahungu dore ko inshuti z’abakobwa afite ari mbarwa. Mu mafoto menshi abapaparazi bamufotora usanga akenshi aba ari kumwe n’abasore.

5.      Ababyeyi be bamutegetse gushaka akazi: Nubwo rwose ari umwana udafite icyo abuze, ntibyabujije ababyeyi be aribo Barack na Michelle Obama kumutegeka gushaka akazi akora mu gihe atari ku ishuri. Iyo Sasha ari mu biruhuko aba afite akazi akora kugira ngo atirirwa yicaye mu rugo kuko ababyeyi be bamutoje gukunda umurimo.

6.      Afite uruganda yashinze: Mu mwaka wa 2010 Sasha Obama yaguze uruganda rukora ibikinisho by’abana rwitwa Ty Inc maze ahita arwita Beanie Baby. Uru ruganda rukora ibi bikinisho by’abana ruri mu za mbere muri Amerika rufite icyashara kinini. Kugeza kuri ubu uru ruganda rufite ibikinisho rukora byitwa Sweet Sasha na Marvelous Malia, igihari bumvikane ko Sasha yakoresheje amazina ye hamwe n'aya mukuru we Malia mu kwita ibi bikinisho uruganda rwe rukora hagamijwe ahanini gushaka abakiriya.

Src: sheknows.com, thelist.com…






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND