RFL
Kigali

Brazil: Urukingo rwa Coronavirus ruzwi nka Coronavac rwakozwe n’u Bushinwa rugiye gutangira gukoreshwa

Yanditswe na: Niyibizi Honoré Déogratias
Taliki:21/10/2020 10:16
1


Kuva Coronavirus yakwirakwira ku isi hose ashakashatsi batandukanye batangiye gushaka icyafasha isi kwigobotora iki cyorezo harimo gushaka umuti n’urukingo. Inkingo nyinshi kuri ubu zarakozwe ziri mu igeragezwa n'ubwo zitari zemezwa na OMS/WHO, gusa kuri ubu Brazil yatangaje ko igiye kwifashisha urukingo rwa Coronavirus rwakozwe n'u Bushinwa.



Nk'uko bbc dukesha iyi nkuru ibitangaza ivuga ko igihugu cya Brazil cyatangaje ko kigiye kwifashisha urukingo rwa CoronaVac rwakorewe mu bushinwa mu rwego rwo kwirinda ko iki cyorezo cya Coronavirus cya komeza kwibasira abaturage benshi.

Aya makuru akaba yemejwe na João Doria, guverineri wa leta ya São Paulona aho yavuze ko guverinoma yabo yemeje kugura doze miliyoni 46 z'urukingo rwa CoronaVac.Akaba yanaboneye ho gutangaza ko gahunda yo gukingira ishobora gutangirana n'ukwezi kwa mbere mu 2021.

Ibi ariko bikaba bizaba mu gihe uru rukingo rwakwemezwa n'abashinzwe ubuzima muri iki gihugu, urukingo CoronaVac - rukorwa na Sinovac Biotech yo mu Bushinwa - ruzaba ari rumwe mu nkingo ebyiri zishyizwe muri gahunda yo gukingira muri Brazil.

Kuva coronavirus ikwirakwiriye igihugu cya Brazil ni kimwe mu bihugu ku isi byazahajwe cyane na coronavirus.Dore ko muri iki gihugu abantu miliyoni 5.3 bacayanduye.

Kuri ubu Brazil  ni igihugu cya gatatu gifite benshi nyuma ya USA n'Ubuhinde - kandi ni icya kabiri inyuma ya USA mu gupfusha benshi, hafi 155,000 bamenyekanye kugeza ubu, nk'uko bivugwa na Kaminuza y'ubushakashatsi ya Johns Hopkins.

Src:bbc






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Rwanda ifite abarwayi bangahe?ese abamaze gupfa nibangahebo?ese barimo gushaka umuti wa colona virus 3 years ago
    John brack





Inyarwanda BACKGROUND