Umufaransa wakoze amateka akomeye mu myaka 22 yatoje ikipe ya Arsenal, Arsene Wenger, yashimangiye ko ku bwa Mikel Arteta, iyi kipe ifite ifite ubushobozi bwo gutwara igikombe cya shampiyona y'u Bwongereza iheruka mu myaka 16 ishize.
Mu mikino ine ya shampiyona y'u Bwongereza imaze gukinwa muri uyu mwaka w'imikino, Arsenal iri ku mwanya wa kane n'amanota 9, ikaba yaratsinze imikino itatu itsindwa umwe, ikaba irushwa amanota atatu na Everton iri ku mwanya wa mbere.
Ku wa Gatandatu tariki 17 Ukwakira 2020, Arsenal izakina na Manchester City umukino w'umunsi wa gatanu muri Premier League.
Wenger yatangaje ko Arteta afite ubuhanga bwatuma aha abakunzi ba Arsenal igikombe cya Premier League bategereje mu myaka 16. Yagize ati "Mu by'ukuri ndamwizera, afite uburyo yashyize ku murongo ikipe".
"Baramukurikira, bari kumwe na we. Twaguze neza, ikipe yasohoye amafaranga menshi mu myaka ibiri ishize, twavumbuye impano nyinshi tutari tuzi ko dufite. Ntekereza ko afite abakinnyi b'abahanga kandi bahagije, bamufasha gutwara igikombe, kubera iki atabikora?".
Wenger ari gutegura gusura iyi kipe yatoje imyaka 22, akaza kuyivamo mu mwaka w'imikino wa 2017-2018, aho yahise agirwa umuyobozi muri FIFA. Ubwo yabazwaga igihe azagaruka mu majyaruguru ya London gusura iyi kupe, Wenger yagize ati "Ntabwo mbizi, gusa sinareka kuza".
"Iracyari ikipe yanjye, iracyari urukundo rwanjye. Ndacyababara iyo twitwaye nabi, nkishima iyo twitwaye neza". "Iyo mvuze kuri Arsenal, ndacyavuga twe!".
Wenger yemeza ko Arteta afite ikipe nziza ishobora kwegukana igikombe cya Premier League
Arsenal izacakirana na Manchester City ku wa Gatandatu
Eng
RSS 
TANGA IGITECYEREZO