RFL
Kigali

16 b’Amavubi bapimwe COVID-19 mbere yo gutangira umwiherero - AMAFOTO

Yanditswe na: SAFARI Garcon
Taliki:10/10/2020 9:33
0


kuri uyu wa atanu tariki ya 09 Ukwakira 2020, i Remera ku cyicaro cy'Ishyirahamwe ry'umupira w'amaguru mu Rwanda, habereye igikorwa cyo gupima Coronavirus Abakinnyi b'Amavubi bagiye kujya mu mwiherero wo kwitegura imikino ibiri izabahuza na CapeVerde mu Ugushyingo 2020.



Mu rwego rwo gushaka itike yo kujya mu gikombe cya Afurika CAN 2021 kizabera muri cameroon, tariki ya 09 Ugushyingo 2020 u Rwanda ruzakina na CapeVerde umukino wa gatutu mu itsinda rya F ruherereyemo, ukazabera muri CapeVerde, nyuma y'iminsi irindwi gusa tariki ya 17 Ugushyingo 2020, rukazakira iyi kipe i Kigali.

Abakinnyi 16 batarimo aba APR FC ndetse na AS Kigali, nibo bapimwe ku ikubitiro mu bakinnyi 37 bahamagawe kongeraho abandi 6 bari ku rutonde rushobora kwitabazwa isaha n'isaha.

Abapimwe ni: Kimenyi Yves, Kwizera Olivier, Rugwiro Hervé, Iradukunda Eric, Aimable Nsabimana, Mico Justin, Twizerimana Martin Fabrice, Nshuti Savio Dominique, Iradukunda Jean Bertrand, Usengimana Faustin, Sibomana Patrick "Pappy’’, Rutanga Eric, Ngendahimana Eric, Iyabivuze Osée, Twizerimana Onesme, Sugira Ernest ndetse n’abatoza b’ikipe y’Igihugu barangajwe imbere na Mashami Vincent.

Aba bakinnyi kandi banapimwe ibiro mu rwego rwo kumenya uko imibiri yabo ihagaze mbere yo gutangira imyitozo.

Abakinnyi b'Amavubi bahise berekeza mu mwiherero i Nyamata mu karere ka Bugesera, aho azajya akorera imyitozo kur Stade ya Bugesera kugeza tariki ya 19 Ukwakira, aho biteganyijwe n'abakinnyi bakina muri APR FC na AS Kigali nabo baziyunga ku bandi mu mwiherero.

Biteganyijwe ko abakinnyi 11 bakina hanze y'u Rwanda bahamagawe bazatangira kwitabira guhera ku itariki ya 20 Ukwakira 2020.

Mu mikino ibiri yo mu itsinda imaze gukinwa, Amavubi ari ku mwanya wa nyuma nyuma yo kuyitsindwa yose haba uwabereye i Kigali wa Cameroon warangiye Amavubi atsinzwe 1-0, ndetse n'uwabereye muri Mozambique, Amavubi yatsinzwe 2-0.

Umutoza Mashami Vincent apimwa COVID-19

Umunyezamu Kimenyi Yves apimwa COVID-19

Kwizera Olivier ari mu bapimwe COVID-19

Rugwiro erve yapimwe

Iradukunda Bertrand yapimwe COVID-19

Rutanga Eric yapimwe COVID-19

Sibomana Patrick Papy nawe ari mu bapimwe COVID-19

Savio Nshuti yapimwe COVID-19

Mico Justin yapimwe COVID-19

Abakinnyi bapimwe ibiro





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND