Muri iki gihe Abakecuru b’abazungu bari mu kigero cy’imyaka 65,70, bari kwigabiza igihugu cya Gambia mu kiruhuko no kurya ubuzima ahanini bagamije guhonga abasore baho bakiri bato bakunde babe mu munyega w’urukundo.
Inyandiko nshya ku muyoboro wa Channel 4 w’u Bwongereza yatangajwe ku wa Mbere igaragaza uburyo igihugu cya Afurika y’iburengerazuba cya Gambia cyahindutse ihuriro ry’abakuze mu biruhuko by’abava i burayi. Abagore, bashaka kwerekana urukundo ku basore babaha amafaranga cyangwa impano zihenze bakabigarurira, ibi bintu bigenda byiyongera mu gihugu cya Gambia.
Alka ateruye umukecuru wamuhaye 70,000 $
Umukerarugendo w’umuzungu ukuze w’umukecuru, waganiriye n’umunyamakuru w’umwongereza, Seyi Rhodes, ku mibonano mpuzabitsina ibera kuri Beach ya Gambia, ahamya ko ari ibyoroshye guhuza abasore no kwigarurira abasore bo muri icyo gihugu.
Umusore witwa Alka, ufite imyaka 32 wo muri Gambia washakanye n’umugore w’Umubiligi umukubye 2 mu bukure, yabwiye Rhodes ko bamwe mu bagore baza mu gihugu cya Gambia ku nyanja gushaka urukundo ku basore mu gihe abandi baza bitwaje ibiruhuko nka ba mukerarugendo.
Alka yagize Ati: “Rimwe na rimwe ntabwo ari ba mukerarugendo beza mu by'ukuri, birambabaza. Ntabwo nkunda. Ndashaka umubano mwiza". Yongeyeho ko abagore babanye bahoraga bamuha amafaranga nubwo atigeze abisaba. Alka, yagaragaje ko umugore we w'imyaka 65 yamwoherereje amadorari 70,000 yo kubakamo inzu muri Gambia. Amakuru akomeza ashimangira ko muri Gambia imibare myinshi y’abakecuru bahigabiza kureba abasore bazarambana mu rukundo bitwaje amafaranga.
Gambia iri gutemberwa cyane n'abakecuru bakuze
Ivomo: Face2faceAfrika, Dailymail.
TANGA IGITECYEREZO