RFL
Kigali

PAM yasabye abakire kurokora Miliyoni 30 z'abantu bagiye kwicwa n’inzara mu bice bitandukanye by’Isi

Yanditswe na: Eric Misigaro
Taliki:18/09/2020 11:28
0

Bwana DAVID Beasley uhagarariye World Food Program (WFP) / Programme Alimentaire Mondial (PAM), ishami ry’Umuryango w'Abibumbye rishinzwe ibiribwa ku Isi yasabye abakire batunze za Miliyari gukora uko bashoboye bakarokora amagara y'abasaga Miliyoni 30 benda kuzicwa n’inzara mu gihe ntagikozwe mu maguru mashya.



Mu gihe Isi yose yugarijwe n’icyorezo cya Covid-19 benshi mu bari batunzwe no guca inshuro bagiye babura akazi ndetse n'abikoreraga ubucuruzi bwabo bwagiye buhagarara, ibi ni nabyo bibaye intandaro y'uko benshi muri iyi minsi ndetse n'igiye kuza bagiye guhura n'icyago cy'inzara.  

Uyu muyobozi w'iri shami kuri uyu wa Kane yatangarije Inteko Rusange ya ONU ko ku isi abantu Miliyoni 270 bugarijwe n'inzara kandi PAM yizeye kugera kuri miliyoni 138 muri uyu mwaka nk'uko tubiceysha  BBC. Bwana David yagize ati: "Dukeneye miliyari $4,9 yo kugaburira abo bantu, ku mwaka umwe, abo Miliyoni 30 bashobora gupfa batabonye ubufasha bwa WFP".

David Beasley yavuze ko ku isi hari abantu bagera ku 2,000 batunze za miliyari, umutungo wabo ukaba ubarirwa muri tiriyari $8 ndetse barinjije za miliyari muri iki gihe cy'icyorezo. Yongeyeho ati: "Ntabwo ndwanya ko abantu binjiza umutungo, ariko ikiremwamuntu kiri guhura n'akaga katigeze kabonwa n'umuntu n'umwe muri iki gihe cyacu".

Umutungo w'abaherwe bo muri Amerika wiyongereyeho 19% kuva icyorezo cya coronavirus cyahagera nk'uko bigaragazwa na raporo ya Institute for Policy Studies (IPS) yasohotse mu kwezi kwa gatandatu. Kuva mu kwezi kwa gatatu, Jeff Bezos umuntu ukize kurusha abandi ku isi washinze ihahiro ryo kuri internet rya Amazon.com, umutungo we wiyongereyeho miliyari $36.

Naho Mark Zuckerberg nyiri Facebook Inc umutungo we wiyongereyeho miliyari $30. Bwana Beasley yagize ati: "Ubu ni igihe ngo abafite kurusha abandi batabare abadafite na kimwe, muri iyi si iri mu bihe bidasanzwe mu mateka yayo."

Src: BBC 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND