RFL
Kigali

Indonesia: Abafatwa batambaye agapfukamunwa bari gucukuzwa imva z'abishwe na COVID-19

Yanditswe na: Muhawenimana Faridi
Taliki:17/09/2020 12:08
0

Mu gihugu cya Indonesia, abaturage bari gufatwa banze kwambara udupfukamunwa bari guhatirizwa gucukurira imva imibiri y'abitabye Imana bahitanywe n' icyorezo cya COVID-19, babitegetswe n'inzego z'ibanze mu gace kamwe k'iki gihugu.



Mu kizere cyo kugira ngo abantu bose bagire uruhare mu kurwanya no guhagarika icyorezo cya COVID-19, mu gace kamwe muri Indonesia abaturage bari gufatwa banze kwambara udupfukamunwa bari guhatirizwa gucukura imva z'abantu bahitanywe na COVID-19.

Ibi bitangajwe nyuma y'uko umugabo ndetse n'ababyiruka batanu mu Karere ka Cerme, mu Burasirazuba bwa Java, bahawe igihano kihariye tariki 9, uku kwezi.

N'ubwo kwambara udupfukamunwa ari itegeko muri iki gihugu mu gihe ugiye ahahurira abantu benshi, haracyagaragara udutsiko tw' abaturage badakozwa n' ibyo kwambara udupfukamunwa, yewe no gusiga intera hagati y' abantu nabyo ntibabyumva.

Impuguke zo zerekana ko ukutubahiriza amabwiriza kw'abaturage byabereye ingutu iki gihugu mu guhangana n'icyorezo cya COVID-19, kuko ku geza ubu bafite ubwandu bw'abantu bajya kugera ku 230,000, ndetse n'abapfuye bagera ku 9,100.

Kuva mu kwezi kwa Nyakanga ubwo iki gihugu cyashyiragaho itegeko rigena ko kwambara udupfukamunwa ari tegeko igihe ugiye mu bantu, byanemejwe ko ibihano by'uzabirengaho ko bizajya bitangwa n'ubuyobozi bw'ibanze.

Mu gace ka Cerme, iyo ufashwe utambaye agapfukamunwa uhanishwa amande angana na 150,000 by'amafaranga y'ama-rupiah--angana n'amadorali 10$, cyangwa ugahabwa igihano kindi.

Umuyobozi w'aka gace, Suyono, avuga ko ibi bihano bihabwa aba bantu harimo ibizwi nka 'push-ups' cyangwa se gukora amasuku. akomeza avuga ko igihano cyo gucukura imva kizajya kibera isomo benshi.

naho mu mujyi wa Jakarta, naho baje gufata uburyo nk'ubwo bwo guhana aho bafataga umuntu bakamwicaza mu saduku y' abapfu mu mbaga, nyuma y'uko yafashwe atambaye agapfukamunwa.

N'ubwo hari ibihano nk'ibi bitaboneka ahandi hose, ntabwo biramenyekana neza niba iyamabrwa ry'udupfukamunwa cyangwa kubahiriza gusiga intera yagenwe biri gukorwa. 

Muri rusange, Isi ifite abanduye COVID-19 barenga miliyoni 29.8, naho abamaze guhitanwa nayo bakaba ari 940,716, nk'uko bigaragazwa n'imibare ya Kaminuza ya Johns Hopkins.

Src: CNN






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND