RFL
Kigali

MacKenzie Bezos wahoze ari umugore wa Jeff Bezos ubu ni we mugore ukize cyane ku Isi n'akayabo ka Miliyari $68

Yanditswe na: Eric Misigaro
Taliki:4/09/2020 12:59
0

Mu mwaka wa 2019 Mackenzie ni bwo yakoze gatanya n’umugobo ukize cyane ku Isi “Jeff Bezos” nyiri ikigo cya Amazon, Blue Orgin na Washngton Post n’ibindi. Nyuma y'uko uyu mugore atandukanye n'uwahoze ari umugabo we yahawe imigabane muri Amazon yari ifite agaciro ka miliyari $38, ibi ni nayo ntandaro y'ubu butunzi bwose bwageze kuri Miliyari



Uyu munsi wa none Jeff Bezos ni we mukire wa mbere ku Isi n’akayabo gasaga Miliyari $205, ku rundi ruhande uwahoze ari umugore we Mackenzie Bezos ni we mugore ukize kurusha abandi bose ku Isi aho ayoboye urutonde rw’abagore bakize kurusha abandi ku Isi n'akayabo ka Miliyari $68 nk'uko urubuga rwa Bloomberg index rubitangaza.

Ubutunzi bw’uyu mugore bwikubwe nyuma y'aho imigabane muri Amazon yazamuye igiciro ku rwego rwo hejuru kandi akaba afitemo imigabane irenga miliyoni. Iyi migabane yayibone ubwo yamaraga gutandukana n'uyu mugabo washinze iki kigo ndetse bivugwa ko uyu mugore yagize uruhare mu ishingwa ry’iki kigo cyabaye icyogere. Jeff na Mackenzie bari bamaranye imyaka igera kuri 24 banafitanye abana batatu.

Mackenzie Bezos ni we mugore ukize kurusha abandi aho ahigitse Bettencourt Meyers utunze agera kuri Miliyari $66.6. Uyu mugore ubusanzwe ajya akora ibikorwa by’ubugiraneza kuko mu mwaka wa 2019 yatanze akayabo ka Miliyari $1.7 mu bikorwa by’ubuzima, uburinganire ndetse n’ubuvuzi.

Ku rutonde rw’abantu bakize cyane ku Isi uyu mugore ari ku mwanya wa 12 aho ahigitswe na bwana Jeff Bezos wahoze ari umugabo we, Bill Gates, Mark Zuckerberg, Elon Musk, Warrren Buffett n'abandi. Abaherwe 16 bo muri Amerika batunze arenga Miliyaridi imwe y’amadorali nk'uko bitangazwa n’urubuga rwa Forbes na Bloomberg.   

 

 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND