Umudage utoza ikipe ya Liverpool, Jurgen Klopp, yatangaje ko nta gahunda afite yo kureshya Messi ngo aze mu ikipe atoza, ariko avuga ko byamubera byiza aje gukina muri shampiyona y’u Bwongereza izwi nka ‘Premier League’ nyuma yo kumenyesha ubuyobozi bwa Barcelona ko agiye gusohoka muri iyi kipe.
Mu gihe ahazaza ha Messi muri ruhago hakomeje kuvugwaho byinshi mu gihe hataramenyekana, umutoza wa Liverpool Jurgen Klopp yatangaje ko nta mahirwe iyi kipe ifite yo kuba uyu rutahizamu ufatwa nka nimero ya mbere ku Isi yayikinira.
Abajijwe niba yifuza kugura uyu mukinnyi w’imyaka 33 y’amavuko, Klopp yasubije agira ati: "Ni nde mutoza utakwifuza kubona Lionel Messi mu ikipe ye? "
Yakomeje ati "Ikibazo si imyaka kuri twebwe, ariko dukeneye umukinnyi mwiza, aho rero mvugishije ukuri".
Messi avuga ko yifuza gusubirana n’uwahoze ari umutoza we muri FC Barcelona, Pep.Guardiola kuri ubu utoza ikipe ya Manchester City.
Ku rundi ruhande, ikinyamakuru cyo mu Bufaransa L'Equipe kivuga ko Lionel Messi yishimira Manchester United kuruta Paris St-Germain, nk'uko bivugwa na se, akaba ari nawe umuhagarariye.
Ku wa kabiri, mbere y'uko amenyesha Barcelona ko yifuza kuva muri iyi kipe, Messi yabanje guterefona Pep Guardiola, utoza Man City, yigeze no kuba umutoza we muri FC Barcelona.
Yaramubwiye ati: "Ndifuza kwegukana imipira ya zahabu ibiri iri imbere, kandi mbona ko ibi nabigeraho mu gihe naba ndi kumwe nawe".
Klopp yatangaje ko Manchester City isinyishije Messi yaba ikoze igikorwa gikomeye, kandi ikipe yaba yiyubatse bikomeye ku buryo kuyitsinda byagorana.
Ni mu gihe hari amakuru avuga ko Manchester City ishobora gutanga Bernardo Silva, Riyad Mahrez na Gabriel Jesus muri Barcelona kugira ngo ibone Messi, gusa ariko iyi kipe ikaba yarabihakanye.
Yagize ati: "Kuri Premier League, cyaba ari ikintu gikomeye, ariko sintekereza ko byarinda kunyura muri izo nzira zose. Ntarigera akina mu yindi shampiyona. Umupira w'amaguru utandukanye n'ibindi. Nifuza kubona akina hano, ariko sinzi ko bizakunda".
Ni mu gihe bivugwa ko umwe mu bayobozi ba PSG, Leonardo, yahamagaye Jorge Messi, se wa Messi amubaza ibijyanye n'iby'uyu rutahizamu ukomoka muri Argentine. Gusa ariko PSG yo ikaba ihakana ayo amakuru.
Amakuru avuga ko Jorge Messi yamubwiye neza ko umuhungu we yifuza gukinira Manchester City.
Hagati aho, umuyobozi wa Barcelona, Josep Maria Bartomeu, yanze guhura na Messi kugira ngo baganire ibyo kuva muri iyi kipe.
Klopp atangaza ko Liverpool nta mahirwe ifite yo kubona Messi
Eng
RSS 
TANGA IGITECYEREZO