RFL
Kigali

Buri kipe mu Rwanda yagenewe Miliyoni 28 Frws zo guhangana n’ingaruka za Coronavirus

Yanditswe na: SAFARI Garcon
Taliki:20/08/2020 10:39
0

Komite Nyobozi y’Ishyirahamwe ry’umupira w’amaguru mu Rwanda ‘FERWAFA’ yatangaje uburyo amafaranga y’inkunga y’ingoboka yatanzwe na FIFA mu gufasha amakipe guhangana n’ingaruka z’icyorezo cya COVID-19 azagabanywa, aho yemeje ko buri kipe yo mu Cyiciro cya Mbere mu Rwanda izabona miliyoni 28 Frws.



Mu mpera za Kamena 2020 ni bwo Impuzamashyirahamwe y’umupira w’amaguru ku Isi FIFA yageneye inkunga amashyirahamwe atandukanye y’umupira w’amaguru ku Isi akayabo ka miliyoni hafi n’igice y’amadorali (1 425 000 000 frw) yo gufasha amakipe guhangana n’ingaruka z’icyorezo Coronavirus.

Inama yahuje Komite nyobozi ya FERWAFA yafashe umwanzuro wo kugabanya aya mafaranga amakipe yose mu byiciro byose.

Uko amakipe azagabana aya mafaranga:

1. Amakipe yo mu cyiciro cya 1 azahabwa 28,000,000 Rwf buri ikipe
2. Amakipe yo mu cyiciro cya 2, azahabwa 10,000,000 Rwf buri ikipe
3. Amakipe y’abagore azahabwa miliyoni 5 buri kipe yitabira inteko rusange ya FERWAFA ndetse na miliyoni 4 ku makipe ataba mu Nteko rusange.
4.Gutangiza shampiyona ku batarengeje imyaka U-15 mu makipe yo mu kiciro cya mbere byagenewe miliyoni 72,5 FRW
5.Imirimo yo guteza iterambere imikino Miliyoni 50 FRW
6.Gutangiza imikino ya ruhago n’amarushanwa atandukanye: miliyoni 15 FRW
7.Gutegura imikino ku basifuzi: miliyoni 2.5 FRW
8. Ijabo ryawe: Miliyoni 2,5 FRW

9.Abasifuzi n’abakomiseri bazagabana Miliyoni 17 FRW

Hemejwe ko aya mafaranga azahabwa amakipe, azakoreshwa mu kwishyura imishahara y’abakinnyi n’abatoza itarishyuwe no gushyira mu bikorwa amabwiriza yatanzwe na FERWAFA na Minisiteri ya Siporo muri ibi bihe bya Covid-19.

Inama ya Komite Nyobozi ya FERWAFA kandi yavuze ko hari ingengo y’imari yihariye yagenewe iterambere ry’umupira w’abagore ingana n’ibihumbi 500 by’Amadolari gusa imikoreshereze yayo ikazatangazwa mu minsi iri imbere.


Rayon Sports ni imwe mu makipe yari afite ibibazo by'imishahara y'abakinnyi

Ingeri zitandukanye zirimo n'abasifuzi bagenewe amafaranga

Icyiciro cy'abagore nacyo cyagenewe amafaranga buri kipe izahabwa





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND