Umuramyi Prosper Nkomezi ukunzwe bihebuje mu ndirimbo 'Urarinzwe', 'Singitinya', 'Nzayivuga', 'Ibasha gukora' n'izindi, yamaze gushyira hanze indirimbo nshya yise 'Wanyujuje indirimbo' yasohokanye n'amashusho yayo yafashwe mu buryo buri Live.
"Wanyujuje indirimbo mu mutima z'amashimwe, sinzigera nibagirwa ya mirimo wankoreye. Wuzuye ubuntu n'urukundo, ibiganza byawe bihoramo ibyiza. Iyo nyobye ungaruza ineza ukambwira ijambo riruhura umutima. Sinzigera nibagirwa ya mirimo wankoreye". Ayo ni amwe mu magambo yumvikana mu ndirimbo nshya ya Prosper Nkomezi, umusore watangiriye umuziki i Rwamagana, yagera i Kigali abakunzi b'umuziki bakamusamira hejuru kubera impano yo kwandika no kuririmba iri muri we.
Prosper Nkomezi yabwiye INYARWANDA ko nyuma y'iyi ndirimbo ye nshya yise 'Wanyujuje indirimbo' hari indi mishinga inyuranye yiteguye kugeza ku bakunzi b'umuziki we n'abandi bose bakunda umuziki wo kuramya no guhimbaza Imana. Yavuze ko yihaye intego y'uko buri kwezi azajya ashyira hanze indirimbo nshya, kandi igasohokana n'amashusho yayo. Ni gahunda nshya yihaye muri aya mezi asigaye kugira ngo umwaka wa 2020 urangire ndetse na nyuma yaho.
Prosper Nkomezi mu gitaramo cye cya mbere yakoze mu 2019 kikitabirwa n'imbaga
Prosper Nkomezi ni umusore ukiri muto ukunzwe bikomeye muri iyi minsi mu ndirimbo ze zinyuranye ariko cyane cyane mu yitwa 'Urarinzwe'. Iyi ndirimbo ikunzwe hirya no hino mu gihugu by'umwihariko muri Kaminuza y'u Rwanda i Huye nk'uko byagaragaye mu buryo budashidikanwaho mu gitaramo Israel Mbonyi aherutse gukorera muri iyi kaminuza aho yari kumwe na Prosper Nkomezi na Serge Iyamuremye. Yaririmbye 'Urarinzwe', abanyeshuri bose barahaguruka kubera kumwishimira cyane.
Eng
RSS 
TANGA IGITECYEREZO