Airtel Rwanda
Kigali

Kenya irashaka kugirana imishyikirano n’u Burusiya ngo ihabwe urukingo rwa coronavirus

Yanditswe na: Liliane Kaliza
Taliki:13/08/2020 14:40
0

Nk’uko ibitangazamakuru byo muri Kenya bibitangaza ngo iki gihugu gishobora gutangira imishyikirano n'u Burusiya ku rukingo rwo kurwanya Covid 19.



Radiyo Capital FM ivuga ko abashinzwe ubuzima muri Kenya bavuze ko bazagirana ibiganiro n’Uburusiya ku rukingo rwayo rwa Covid-19.Ni nyuma yuko Uburusiya bubaye igihugu cya mbere ku isi cyanditse ku mugaragaro ko cyabonye urukingo rwayo.

Ku wa Kabiri, umunyamabanga mukuru w’ubuyobozi ushinzwe ubuzima, Mercy Mwangangi, yagize ati: "Nta kabuza tuzafatanya n’Uburusiya kugira ngo tumenye neza ko urukingo rufite umutekano mbere yo kurukoresha."

Yavuze ko Guverinoma ya Kenya izakurikiza ayo masezerano binyuze muri minisiteri y’ububanyi n’amahanga, Kenya kugeza ubu imaze kwemeza abantu  27.425 banduye coronavirus.

Abayobozi ba Kreml bavuze ko Uburusiya bumaze kubona comande ya miliyari imwe y’inkingo yaturutse mu bihugu 20, nyuma y'amasaha make batangaje ko urukingo rufite akamaro mu guhashya virusi yahitanye abantu barenga 700,000 ku isi kandi yanduye miliyoni zirenga 20 naho Abandi bantu barenga miliyoni 12 gusa bakaba barayikize kwisi yose.

N’ubwo hari impaka, itangazo ry’inkingo z’Uburusiya risa nkaho ritanga icyizere  ku bihugu byibasiwe na COVID-19. Ku wa kabiri, Perezida Vladimir Putin yavuze ko igihugu cye kibaye icya mbere cyemeje urukingo rutanga "ubudahangarwa burambye" kuri coronavirus kandi ko umwe mu bakobwa be yakingiwe.

 Src: BBC afrique






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND