Muri Afurika y’Epfo harabarurwa ibihumbi n'ibihumbi by’abishwe na Coronavirus

Abashakashatsi bo mu nama y’ubushakashatsi bw’ubuvuzi muri Afurika yepfo bavuga ko umubare w’abantu bapfa buri munsi ari benshi cyane kuruta uko byari bisanzwe, byerekana ko umubare w’impfu zatewe na Covid-19 ushobora kutamenyekana.

Kugeza ubu, imibare yemewe yerekana ko abantu bagera ku 6.000 bapfuye bazize Covid-19 Ariko ubushakashatsi bwakozwe mu byumweru 10 bishize bwerekana ko muri iki gihe hapfuye abantu 17.000. Ibi birerekana ko abantu 11,000 bapfuye bidasobanutse.

Abashakashatsi bemeza ko benshi muri bo bashobora kuba barishwe na Covid-19, ari abapfiriye mu rugo ndetse n’abandi batamenyekanye Ariko hari n'ubwoba bw'uko Abanyafurika y'Epfo batazajya mu bitaro kubera ko byuzuye ndetse no gutinya kwandura virusi.

Bityo birashoboka ko izindi ndwara zishobora guhitana abantu benshi, nk'igituntu na VIH / SIDA kubera ko abantu batabona uko bajya kwivuza kubera kwa gutinya kwandura virus twavuze haruguru

Hafi ya kimwe cya kabiri cy’abantu bapfuye muri  iki gihugu bavuzwe mu Ntara y’Iburengerazuba, Umubare munini w’abanduye coronavirus uri mu ntara ya Gauteng, Muri iki gihe Afurika y'Epfo ifite abantu 394.948 yemejwe na coronavirus.

Src: bbc afrique