Perezida wa Brezile, Jair Bolsonaro, akomeje gufata imiti igabanya ubukana bwa malariya nk'umuti wa coronavirus nyuma yo gusanga yanduye ndetse kuri ubu atangaza ko yamaze kumva ameze neza bitewe na hydroxychloroquine.
Bolsonaro amwenyura ati: "Nizeye
hydroxychloroquine." "Nawe se?" Ku wa gatatu, yongeye
gushimangira ko iyi miti ifasha cyane ati "Ku bantu bishimira
hydroxychloroquine, ariko bakaba badafite ubundi buryo, nishimiye kubamenyesha
ko meze neza cyane kubera kuyifata kandi, hamwe n'ubuntu bw'Imana, nzabaho
igihe kirekire”.
Ubushakashatsi bwakozwe mu Bwongereza no muri Amerika,
ndetse n’ishami ry’umuryango w’abibumbye ryita ku buzima (OMS), bwasanze
hydroxychloroquine idakiza COVID-19 ahubwo ishobora kigira ingaruka ku mutima.
Bolsonaro yanenze cyane ingamba zo gufunga, yanga kwambara
masike ndetse avuga ko coronavirus ari ibicurane bito, yashyize kwizera kwe
kuri hydroxychloroquine akinisha virus bituma abaturage be bandura cyane.
Nataliya Pasternak, umushakashatsi mu kigo cy’ubumenyi
bw’ibinyabuzima muri kaminuza ya Sao Paulo, yavuze ko Bolsonaro atanga
"urugero rubi". "Yafashe hydroxychloroquine mu ruhame avuga ko
yumva ameze neza kandi ni mbi rwose".
Src: News agencies
TANGA IGITECYEREZO