RFL
Kigali

OMS iravuga ko icyorezo cya coronavirus kiri kwihuta cyane ku buryo butangaje, mu cyumweru gishize handuye abagera ku 400,000

Yanditswe na: Liliane Kaliza
Taliki:8/07/2020 10:48
0


Ishami ry’umuryango w’abibumbye ryita ku buzima OMS riravuga ko coronavirus iri kwihuta cyane ndetse ngo iracyakomeje kuza ku muvuduko mwinshi.



Kuri uyu wa kabiri, ishami ry'umuryango w'abibumbye ryita ku buzima OMS ryatangaje ko abantu bagera ku 400.000 banduye covid-19 mu cyumweru gishize kandi nta kimenyetso cyerekana aho uyu muvuduko uturuka.

Umuyobozi mukuru wa OMS, Tedros Adhanom Ghebreyesus, yatangarije abanyamakuru ati: "Icyorezo kiri kwihuta cyane kandi  mu bigaragara nta bushobozi dufite bwo  kukirwanya ku muvuduko nk’uwo gifite”.

Ishami ry'Umuryango w'Abibumbye ryita ku Buzima naryo ryemeje ko hari "ibimenyetso bigaragara" ku bijyanye no  kuba virus yakwira mu kirere igakwirakwirakwizwa n’umuyaga, nyuma yuko itsinda mpuzamahanga ry'abahanga rivuze ko bishoboka.

Porofeseri wa OMS, Benedetta Allegranzi, yabwiye abanyamakuru ati: "Turemera ko hari ibimenyetso bigaragara muri uru rwego ... bityo rero twizera ko tugomba kwemera ibi bimenyetso kandi tukumva ingaruka zabyo."

 Src: France 24

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND