RFL
Kigali

Abakinnyi 16 muri NBA banduye Covid-19, amakuru agezweho kuri Covid-19 ku Isi

Yanditswe na: Muhawenimana Faridi
Taliki:26/06/2020 21:21
0


Imibare y’abanduye mu isi irakomeza kwiyongera. Abantu barenga miliyoni 9.8 bamaze kwandura, 493, 993 bishwe na Covid-19. Abarenga miliyoni 5.2 bamaze gukira iki cyorezo. Gusa, Umuryango Mpuzamahanga wita ku buzima (OMS), wemeza ko mu cyumweru gitaha iyi mibare y’abanduye izaba yageze kuri Miliyoni 10.



Abakinnyi 16 ba NBA bapimwe basangwamo covid-19. Byemejwe ko abakinyi 16 bakina umukino wa Basket-ball muri Leta Zunze Ubumwe za Amerika muri NBA, ko bakorewe ibizamini bagasangwamo Covid-19.

Byari muri gahunda y’itegeko yashyizweho ngo abakinnyi bose basuzumwe mbere y’uko imikino isubukurwa. Abakinnyi 16 bapimwe, bari mu itsinda ryari rigizwe n’abantu 302 bapimwe ku wakabiri. Biteganyijwe ko amakipe yose 22 uko azaboneka mu mikino iteganyijwe mu kwezi gutaha, ko yose akorerwa ibizami.

Abakinnyi byemezwa ko banduye—n’ ubwo batatangajwe—bazajya bakurukiza amabwiriza yo kwishyira mu kato mu ngo zabo, kugeza igihe inzego zishinzwe Ubuzima zemeje ko bakurwa mu kato.

Kaminuza muri Brazil iri mu biganiro n’u Butariyani ngo hapimwe urukingo rwa covid-19. Kaminuza ya Sao Paulo (Federal University of Sao Paulo---Unifesp), yatangiye ibiganiro n’u Butariyani ngo harebwe uko iyi kaminuza yakora igerageza ku rukingo rwakozwe n’abashakashatsi bo muri icyo gihugu.

Twamaze gutangira ibiganiro na Lazzaro Spallanzani National Institute. Turizera ko tuzaruzana hano (urukingo), ndetse tukaba tuzanakora inyigo kuri uru rukingo. Ibi, ni ibyavuzwe na Perezida wa Unifesp, Soraya Smaili, mu kiganiro na Reuters.

Beijing yongeye koroshya ingamba zikakaye zo guhangana na covid-19. Ni nyuma y’ibyumweru mu Bushinwa hari hasubwijwe gahunda zikakaye zigamije kwirinda isakara rya covid-19, ubwo hatinywaga ko haba hagiye kuba ubwandu bukomeye ku nshuro ya kabiri.

Mu byumweru bigera kuri bibiri gusa, hafashwe ibizami bisaga miliyoni eshatu. Ubwo, ni nako ibikorwa bitandukanye mu mujyi bya byahagaritswe, ngo inzeg z’ ubuyobozi zishobore kuba zatahura n’ abandi baba baranduye.

Mu Buhinde covid-19 ikomeje gusubiza irudubi ingamba zo kugarura abaturage mu buzima busa n’ ubusanzwe

Imibare y’abandura irakomeza kwiyongera. Mu masaha 24, habonetse ubwandu bushya bw’ abantu 17,296, imibare ikomeza gukoma mu nkokora gahunda zo gusubiza abaturage mu buzima busa n’ubusanzwe.

Mu rwego rwo koroshya ingamba zikakaye zo guhashya covid-19 mu Buhinde, byari biteganyijwe ko mu mpera z’ uku kwezi—tariki 30, Kamena—ko serivisi za gariyamoshi zisubira mu mirimo.

Ku bw’ amahirwe make, imibare y’ ubwandu ikomeje kwiyongera, byatumye izi serivisi zisubikwa biteganywa ko zizasubukurwa muri Kanama, tariki 12.

Serivisi za gariyamoshi zahagaritswe kuva muri Werurwe ubwo Leta yashyiragaho ihagarara ry’ ibikrwa byose hirindwa covid-19.

Abahanga muri Siyansi baravuga ko aribwo byatangiye kumva ibindi bibazo byinshi biterwa na covid-19 ku muntu

Twatekerezaga ko iyi ari virusi ifata mu myanya y’ ubuhumekero gusa. Byagaragaye ko, igenda ikagera no ku mutima, umwijima, ubwonko, impyiko, ndetse n’ ibindi bice by’ umubiri. Dr. Eric Topol.

Jay Bulter umuyobozi wungirije Ushinzwe indwara zandura mu kigo gishinzwe kugenzura no gukumira indwara muri Amerika, yatangaje ko ubushakashatsi n’inyigo ku ngaruka z’igihe kinini zaterwa na Covid-19, zigiye gutangira kwigwaho.

Inzego z’ Ubuzima muri Leta Zunze Ubumwe za Amerika ziratangaza ko abantu bagera kuri miliyoni 20 baba baranduye covid-19, ubwo bakaba bakubye inshuro 10 aba bamaze kumenyekana ko banduye barenga miliyoni 2.

Src: Aljazeera, The New York Times, worldometer






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND