Airtel Rwanda
Kigali

Cristiano Ronaldo yaciye agahigo ko kuba umukinnyi wa mbere w’umupira w’amaguru ku Isi utunze Miliyari y’amadolari

Yanditswe na: SAFARI Garcon
Taliki:5/06/2020 19:27
0

Umunyabigwi ukomoka mu gihugu cya Portugal, Cristiano Ronaldo, ukinira ikipe ya Juventus yo mu Butaliyani, yaciye agahigo ko kuba umukinnyi wa mbere ku Isi mu mateka y’umupira w’amaguru utunze miliyari y‘amadolari nkuko bitangazwa n’ikinyamakuru Forbes gikunda kugaruka cyane ku buzima bw’ibyamamare.



Cristiano wujuje Miliyari y’amadolari yaturutse mu mishahara ahembwa, ubucuruzi ndetse  no kwamamaza nka bimwe mu bimwinjiriza agatubutse kuruta ibindi.

Cristiano Ronaldo w’imyaka 35 yatanze Lionel Messi bakunze guhangana igihe cyose kuzuza Miliyari y’amadolari bituma aba umukinnyi wa 3 mu mikino yose ku isi utunze aka kayabo ndetse aba umukinnyi wa mbere w’umupira w’amaguru ubigezeho.

Nyuma ya Floyd Mayweather wahoze akina umukino w’iteramakofe na Tiger Woods ukina Golf batunze Miliyari y’amadolari, Cristiano Ronaldo nawe yageze ikirenge mu cyabo yuzuza Miliyari y’amadolari.

Forbes ivuga ko mu mwaka ushize wa 2019, Ronaldo yinjije akayabo ka Miliyoni 89 z’amapawundi zirimo 35 z’amapawundi yakuye mu duhimbazamusyi, imishahara, mu bucuruzi bwe ndetse no mu kwamamaza.

Cristiano ni umukinnyi wa gatatu i Burayi uhembwa amafaranga menshi nyuma ya Lionel Messi na Neymar gusa abarusha kwinjiza menshi hanze y’ikibuga kuko ari nawe muntu wa mbere wujuje Miliyoni 200 z’abamukurikira kuri Instagram, yigaranzuye Ariana Grande, mu ntangiriro z’uyu mwaka.

Ibigo bitandukanye bihemba Cristiano Ronaldo arenga ibihumbi 750,000 USD (£570,000) kuri buri kintu ashyize kuri Instagram mu gihe akurikirwa na Neymar Jr ndetse na Messi.


Bimwe mu byinjiriza agatubutse Cristiano


Cristiano Ronaldo yabaye umukinnyi wa mbere muri ruhago yujuje Miliyari y'amadolari





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND