RFL
Kigali

Bill Gates avuga ko igikenewe ku Isi ari urukingo rwa Covid-19 kandi ko inkunga yose iganisha ku buzima

Yanditswe na: David Mayira
Taliki:5/06/2020 15:38
0


Isi iracyahanganye n’icyorezo cya Coronavirus kiri kwibasira ubuzima bwa benshi. Bill Gates yasabye ko urukingo rwose rwa coronavirus rwazagerwaho rwahita rukwirakwizwa ku isi hose kuko ari cyo gikenewe.



Bill Gates yabwiye ibi BBC mbere gato y'inama mpuzamahanga ku nkingo yahurije hamwe abahanga mu ikoranabuhanga, abategetsi ku isi, kompanyi zikize cyane n'abantu ku giti cyabo hagamijwe gukusanya Miliyari $7 yo kunganira ibikorwa byo gukora inkingo. Iyi nama yabaye kuwa kane ikoranyije abantu bo mu bihugu birenga 50 byo ku isi

Bill Gates yavuze ko inkingo "uyu munsi zikenewe kurusha ikindi gihe cyose cyabayeho kandi ko inkunga yose isobanuye kurokora ubuzima bw’abantu. Inkunga ikusanywa izifashishwa mu kugeza inkingo mu bihugu bikennye kurusha ibindi ku isi. 

Ni inkunga yo gushaka urukingo rwizewe rwa coronavirus ndetse n'inkingo nyinshi z'indwara y'imbasa, typhoid n'iseru. Coronavirus cyahungabanyije gahunda y'inkingo ku isi, bituma abana Miliyoni 80 babura inkingo bagombaga gufata.


Bwana Gates aburira abantu ko amakuru y'ibihuha ku nkingo atera ibibazo umuhate wo kurwanya ibyorezo - harimo na Covid-19.

Ati: "Birumvikana ko urukingo niruboneka tuzakenera ko hakorwa rwinshi kugira ngo abarenga 80% barufate". Yongeraho ati: "Ariko nibaba barumvise ko ari umugambi mubi cyangwa ko inkingo ari mbi, ntitugire abantu bifuza kuruhabwa ibyo bizatuma iki cyorezo gikomeza kwica abantu".






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND