RFL
Kigali

’Akazuba, Ikirezi, Mwiza, Ngabo n’Urumuri’: Robots zigiye gukoreshwa mu guhashya covid-19 mu Rwanda

Yanditswe na: Eric Misigaro
Taliki:19/05/2020 17:32
0

Kuri uyu wa 19 Gicurasi 2020 Minisiteri y’ubuzima yatangaje ko yakiriye robots zigera kuri 5 zigiye kwifashishwa mu guhangana n’ikwirakwira rya Covid-19. Akazuba, Ikirezi, Mwiza, Ngabo n’Urumuri, ni robot zizakoreshwa cyane cyane mu gupima ubushyuye ndetse no kwita ku barwayi.



Izi robot zahawe amazina ya kinyarwanda ari yo Akazuba, Ikirezi, Mwiza, Ngabo n’Urumuri, zifite ubushobozi bwo gupima abantu bari hagati ya 50-150 mu gihe kingana n’umunota umwe. Izi Robot zizajya zikoreshwa mu gutanga ibiribwa ndetse n’imiti ku barwayi hakiyongeraho no gutanga amakuru ajyanye n’uburwo abarwayi bahagaze ndetse n'andi yose ajyanye n'ibibazo byaba byatewe na covid-19.

Igihugu cy’u Rwanda kiri mu byambere muri Afrika y’Uburasirazuba kigiye gukoresha ikoranabuhanga mu guhashya icyorezo cya covid-19.

Minsitiri w'ubuzima Dr Daniel Ndamije yatangaje ko izi robots zizafasha abaganga "gufata ibipimo bimwe, gutanga ibiryo n'imiti ku barwayi bari muri ibyo bigo n'ibindi". Zishobora kandi kubwira abakozi bari ku kazi aho zibonye ibipimo bidasanzwe ku murwayi.

Mu bindi izi robots zikora harimo kuburira umuntu wambaye agapfukamunwa nabi, no guhuza umuganga n'umurwayi mu buryo bwa 'video conference' nk'uko umukozi muri Minisiteri y'ubuzima yabibwiye BBC.

Uyu mukozi avuga ko umumaro ukomeye w'izi robots ahanini ari ukugabanyiriza abaganga ibyago byo kwandura Covid-19 zibarinda guhura kenshi n'abarwayi.

Izi robots zizafasha kandi mu kubika amakuru y'abarwayi ku nyandiko abikwe mu buryo bugezweho no kwihutisha igihe byafataga gukora imirimo imwe n'imwe.

Mu cyumweru gishize, Minisiteri y'ubuzima mu Rwanda yatangaje hari abaganga bamaze gutozwa gukorana n'izi robots, ubu zazanwe ari eshanu.

Dr Ngamije mu kiganiro yagiranye na BBC yagize ati: "Ku bigo bibiri dufite ubu [eshanu] zitanga umusaruro, dukeneye izindi robots mu bindi bikorwa nko gutera imiti yica za microbes ahahurira abantu benshi nazo turi gushaka uko zizaboneka".

Ibyo bigo ni ikigo kiri i Kanyinya hanze gato y'umujyi wa Kigali ikindi i Nyamata mu karere ka Bugesera mu Burasirazuba. Magingo aya, mu Rwanda abamaze kwandura ni 297, abakize ni 203 naho abakirwaye bangana na 94.


 



U Rwanda rugiye gukoresha Robots mu guhashya Covid-19






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND