Airtel Rwanda
Kigali

Covid-19: Jeff Bezos ubutunzi bwe bwiyongereyeho Miliyari $25 ahita akuba inshuro 2 Mark Zuckerberg nyiri Facebook

Yanditswe na: Eric Misigaro
Taliki:29/04/2020 17:59
0

Isi yose iri mu gihombo kubera Covid-19 ariko umuherwe Jeff Bezos we amaze kunguka agera Miliyari $25 kuva Covid-19 yatangira kwangiza ibikorwa, ubu atunze Miliyari 140. Uyu muherwe ubutunzi bwe bwikubye inshuro 2 ubwa mugenzi we nyiri Facebook Mark Zuckerberg. Abakire 4 muri batanu bambere bari mubihombi bikabije



Ubucuruzi bw’ikoranabuhanga burangajwe imbere n’uburimo ubw’ibiribwa, magingo aya ni bwo bucuruzi butari kujegajezwa na Covid-19. Ibi ni byo biri gushafa umukire wa mbere ku Isi Jeff Bezos kwigarurira ubutunzi binyuze mu kigo cya Amazon gikora ubucuruzi bwo guherekanya ibicuruzwa hifashishijwe murandasi kuko abantu benshi bari gukoresha uru rubuga batumiza ibiribwa muri iki gihe bari mu ngo.

               

Kuri ubu, Bezos atunze agera kuri Miliyari $140 nyuma y’urwunguko rutagira ingano yabonye muri uyu mwaka wa 2020 aho abenshi bari guhomba ubutitsa dore ko Bill Gates umukurikiye ku mwanya wa kabiri mu butunzi yamuhaye umwitangirizwa ungana na Miliyari zigera kuri $35 nk'uko urubu rwa Bloomberg index rubitangaza. Bill Gate kuva Covid-19 yatangira, amaze guhomba agera kuri Miliyari $8.03


Ubuntuzi bwa Mark Zuckerberg nyiri Facebook buri mu kaga kuko kuva Isi yagera mu bihe by'icyorezo cya covid-19, uyu mugabo yahombye agera kuri Miliyari $8.4 bituma agaruka ku butunzi bungana na Miliyari $69.9 aho kuri ubu ari ku myanya wa gatanu mu batunzi ku Isi. Uyu mugabo akubwe inshuro ebyiri na Jeff Bezos nyiri ikigo cya Amazon n’ibindi bigishamikiye nka Bull orgin na Washington Post.  

Menya abakire 5 ba mbere ku Isi magingo aya ku rutonde rwa Bloomberg Index

1.      Jeff Bezos- $140B

2.      Bill Gates- $105B

3.      Bernard Arnault- $80.7B

4.      Warren Buffett- $73.7B

5.      Mark Zuckerberg- $69.9B

Src: bloomberg.com, business insider.com 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND