Airtel Rwanda
Kigali

Umukecuru w’imyaka 104 ni we wa mbere ku Isi ukize Coronavirus mu bakuze

Yanditswe na: David Mayira
Taliki:7/04/2020 12:21
0

Umukecuru w'imyaka 104 mu Butaliyani yatangajwe ko ari we wa mbere mu bageze mu zabukuru ukize COVID-19. Ni mu gihe abantu bakuze cyane ari bo bakunze kwibasirwa cyane n'iki cyorezo.



Uyu mukecuru uzwi ku izina rya Ada Zanusso ubu abaye umuntu ukuze ku Isi ukize indwara yica abakuze cyane. Kuwa kabiri, tariki ya 17 Werurwe ni bwo yajyanwe kwa muganga afite ibimenyetso bya Coronavirus basanga ni yo arwaye yitabwaho n’abaganga mu kigo cyita ku bageze mu za bukuru kiri i Biella mu Majyaruguru y'u Butaliyani.

Ada Zanusso (pictured) fell ill at her nursing home in Biella in northern Italy on March 17, eight days after the Government imposed a lockdown on the country

Daily Mail yatangaje ko nyuma yo gutangira kwerekana ibimenyetso birimo kuruka, umuriro, ingorane zo guhumeka, yipimishije kuri virus. 

Umuhungu wa Ada Giampiero yatangarije ikinyamakuru ati: "Nakekaga ko ari Coronavirus kubera umubare w'abantu babaga mu kigo cyita ku barwayi. Umuganga wa Ada, Carla Furno Marchese, yavuze ko gukira kw'imyaka ijana ari ikimenyetso cy'amizero kuri buri wese ubabaye muri ibi bihe bigoye. 

Ati: ''Arahagurutse kandi ntaryamye mu buriri kandi ashobora kugenda ku ntebe ye. (...) Gukira kwe ni umunezero mwinshi kuri twe kandi ni ikimenyetso cy'icyizere cyiza ku bababaye bose muri iyi minsi itoroshye". 

Ibi bibaye nyuma y'iminsi mike umugabo w’imyaka 101 i Rimini, mu Butaliyani, wavuye mu bitaro ku wa kane, 26 Werurwe 2020 nyuma yo gukira Coronavirus. Uyu mugabo witwa Mr P gusa, bivugwa ko yari mu bantu bakuze banditswe mu kurokoka virusi, bikekwa ko byica cyane abasaza.

Mu gihugu cy’u Butaliyani bari mu kaga cyane aho nibura abasaga 132,547 banduye Coronavirus aho abagera ku 16,523 yabahitanye.






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND