Airtel Rwanda
Kigali

Patrick Cutrone mu bakinnyi batatu ba Fiorentina bakize Coronavirus

Yanditswe na: SAFARI Garcon
Taliki:6/04/2020 20:52
0

Ubuyobozi bw’ikipe ya Fiorentina ibarizwa mu cyiciro cya mbere muri shampiyona y’u Butaliyani, bwamaze gutangaza ko abasore batatu bayoboye ubusatirizi bw’iyi kipe barimo Patrick Cutrone, bakize icyorezo cya Coronavirus bari bamaranye ibyumweru bitatu.



Abakinnyi batatu bakize icyorezo cya Coronavirus ni Patrick Cutrone, German Pezzella ndetse na  Dusan Vlahovic. Nyuma y’iminsi itari mike aba bakinnyi bari bamaze bavurwa, bitabwaho n’abaganga byarangiye neza kuko barokotse iki cyorezo kimaze guhitana ubuzima bwa benshi ku Isi.

Ikipe ya Fiorentina itangaza ko Pezzella and Cutrone bombi basuzumwe umunsi umwe mu byumweru bitatu bishize, basanga banduye iyi virus ya Corona ariko kuri ubu bakaba bari mu ngo zabo mu gace ka Florence, bakaba bameze neza.

Ku cyumweru tariki ya 5 Mata 2020, Ikipe ya Fiorentina ibinyujije ku rukuta rwayo rwa Twitter yatangaje ko abakinnyi bayo batatu bari bamaze igihe barwaye Coronavirus bamaze gukira, kuri ubu bakaba ari bazima.  

Yagize iti”Ikipe ya Fiorentina inejejwe no kubamenyesha ko isuzuma ryakozwe n’abaganga ryagaragaje ko Patrick Cutrone, German Pezzella ndetse na  Dusan Vlahovic batakirwaye COVID-19”.

“Twese dufashe uyu mwanya kugira ngo dushimire byimazeyo abaganga bose ndetse n’abandi bantu bakora ku bitaro bita ku bantu bose bakeneye ubufasha bwo kwa muganga muri ibi bihe bigoye u Butaliyani ndetse n’ Isi yose irimo”.

Aba bakinnyi batatu ba Fiorentina biyongereye kuri Callum Hudson-Odoi ukina anyuze ku ruhande muri Chelsea ndetse n’umutoza mukuru wa Arsenal Mikel Arteta bombi bamaze gukira icyorezo cya Coronavirus.

U Butaliyani ni kimwe mu bihugu byazahajwe cyane n’icyorezo cya Coronavirus, kuko kugeza magingo aya imibare igaragazwa na kaminuza ya Johns Hopkins University ni uko abantu barenga 120,000 bamaze kwandura, 16,000 muri bob amaze kwitaba Imana.


Cutrone wari umaze igihe arwaye Coronavirus yakize


Pezella nawe akize Coronavirus


Dusan nawe ubu ni muzima yasubiye mu rugo iwe





TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND