RFL
Kigali

Abanduye Coronavirus mu Rwanda bamaze kuba 36, abarwayi bose bari koroherwa

Yanditswe na: Mupende Gedeon Ndayishimiye
Taliki:24/03/2020 1:21
0


Abantu barwaye Covid-19 (Coronavirus) mu Rwanda bamaze kuba 36 nyuma y'uko kuri uyu wa Mbere tariki 23/03/2020 habonetse abantu 17 banduye iki cyorezo, biyongereye ku bandi 19, bose hamwe bakaba 36.



Minisiteri y'Ubuzima (MINISANTE) yatangaje ko abarwayi 16 muri 17 babonetse kuri uyu wa Mbere, baje mu Rwanda baturutse imahanga mu bihugu nka: Leta Zunze Ubumwe za Amerika, Qatar, Ubuhinde, Kenya na Dubai. Umurwayi umwe gusa ni we watahuwe ko yahuye n'undi wagaragaweho Coronavirus mu Rwanda.

MINISANTE yatangaje ko 'Abarwayi bose bavurirwa ahantu hizewe kandi bari koroherwa.' Yanavuze ko 'hanashakishijwe abantu bose bahuye nabo kugira nabo basuzumwe ndetse bitabweho n'inzego z'ubuzima'. Yakanguriye abaturarwanda gukomeza kwirinda iki cyorezo bubahiriza amabwiriza yatanzwe n'inzego za Leta arimo kuguma mu ngo no gukaraba kenshi intoki n'amazi meza ndetse n'isabune. 

Kugeza ubu ku Isi hose abantu basaga ibihumbi 378 nibo bamaze kwandura Coronavirus, abarenga ibihumbi 101 bamaze gukira naho abamaze guhitanwa nayo bararenga ibihumbi 16. 


Itangazo rya MINISANTE ryo kuri uyu wa Mbere






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND