Menya ibiribwa bikungahaye kuri Vitamine C nk'imwe mu ntwaro yagufasha guhangana n'indwara z'ubuhumekero

Zimwe mu ndwara zikunze gufata mu myanya y'ubuhumekero wakwirinda ukoresheje ibiribwa bikungahaye kuri Vitamic C, twavugamo nka; Grippe, Inkorora, Asthma, Sinesite n'izindi. Izi zose ku muntu wifitemo ubudahangarwa (immunity) bw'umubiri buri hejuru ntabwo zijya zipfa kumwibasira. Bumwe mu buryo bwo kongera ubu budahangarwa ni ukurya ibiribwa bikungahaye kuri Vitamin C.

Menya akamaro ka Vitamin C (Ascorbic Acid) ku buzima bwawe

Vitamine C ni ingenzi ku buzima bwa muntu ikaba ikunda kuboneka mu biribwa bibisi cyane cyane imboga, imbuto n'ibinyampeke. Akenshi iyi Vitamine C iyo utetse ibiribwa bizwiho ko bikungahaye kuri yo cyangwa ukanabishyushya inshuro nyinshi, irapfa kuko Vitamin C izirana n'ubushyuhe ari nayo mpamvu ibiribwa ibonekamo iyo bimaze igihe ku zuba iba yashizemo bigasa n'aho ntacyo biba bikimariye ubirya.

Ibiribwa ushobora kubonamo Vitamine C ni; Amaronji (amacunga), indimu, inyanya, amapera, epinard, inanasi, ibitunguru bitukura n'inkeri.

Akamaro ka Vitamine C ku buzima bw'umuntu;

v  Yongera ubudahangarwa bw'umubiri

v  Ituma imitsi iba minini igatembereza amaraso neza mu mubiri, ikanarinda indwara zikunda kwibasira imitsi (cardiovascular diseases)

v  Irinda kurwaragurika

v  Irinda umubiri guhorana umunaniro

v  Irinda gusaza imburagihe

v  Ituma uruhu ruba rwiza rugahorana itoto

v  Ituma ibisebe bikira vuba

v  Irinda uburwayi nk'inkorora na grippe

v  Igabanya uburozi bwa Nicotine mumubiri bityo abanywi b'itabi bikabafasha kugabanya inyota yaryo

v  Isohora imyanda mu mubiri

v  Igabanya kuva cyane kumuntu uri mumihango

v  Yongerera cyane imikorere y'ubwonko igatuma umuntu adapfa kwibagirwa, bugafata vuba ntibupfe guta ibyo bwabitse.

v  Irinda Cancer (Ituma ingingo zitaryamirana ikanazirinda kubora).

v  Ituma umuntu areba neza kimwe na Vitamine A ndetse na E.

Ni abahe bantu baba bakeneye Vitamine C kurusha abandi;

-Umudamu wonsa akenera nibura mg 95 za Vitamin C ku munsi.

-Umudamu utwite akenera mg 70 ku munsi

-Umwana muto akenera mg hagati ya mg 40-45.

-Umuntu mukuru akenera mg 60

-Umunywi w'itabi akenera mg 95

-Umuntu witegura kubagwa cyangwa uwabazwe

-Umuntu ufite ibikomere

Igihe ibi biribwa ubona bitari kugufasha, wakoresha ibinini iyi Vitamine C ibamo, gusa ntwabo ari byiza habe na gato n'ubwo biba byakoranwe ubuhanga. Bibaye byiza wakoresha ibiribwa ukabasha kuba wabona iyi vitamin ikagushoboza kongera ubudahangarwa bw’umubiri wawe ugatana n'indwara zifata mu myanya y’ubuhumekero.

Src: webmd.com, healthline.com, medicalnewstoday.com