Airtel Rwanda
Kigali

Coronavirus: U Bushinwa bumaze guhomba miliyaridi $592 naho abakire 10 ba mbere ku Isi ni miliyaridi $38

Yanditswe na: Eric Misigaro
Taliki:11/03/2020 6:32
0

Benshi ku Isi bari mu rungabangabo bibaza uko ejo bizamera kubera covid-19 ndetse n'inzobere zimwe kuryama byabaye amateka aho bari gukora ubushakashatsi bashaka uko barokora abatuye Isi. Ku rundi ruhande abaherwe ubukungu bwadogereye. Abakire 10 ba mbere ku isi bamaze guhomba Miliyaridi $38.



Bamwe bati "Ibyisi ni gatebe gatoki". Ibi bishatse kuvuga ko ibihe byicara bihinduka. Magingo aya Isi mu gihe kingana n'amezi agera kuri 3 imaze guhomba tiriyaridi zitagira uko zingana biturutse ku cyorezo cya coronavirus. 

Bensi mu batunzi ubu ntabwo bababajwe n'uko isi iri kubura abantu, ahubwo bari kureba ku butunzi bwabo bwasubiye inyuma. Gusa kurundi ruhande uko Isi ibura amahoro ni nako nabo bari guhomba atagira ingano. Iki cyorezo cya Covid-19 cyatangiriye mu Bushinwa mu mpera z'umwaka wa 2019, kimaze kugera mu bihugu birenga 95 byo ku Isi.   

Igihugu cy' u Bushinwa nyuma yo kwatakwa na coronavirus kimaze guhomba agera kuri miliyaridi $592, bavuga ko aya ari kimwe cya kabiri cy’amafaranga Isi yose imaze guhomba muri iki gihe. 

Abasholamali cyangwa abatunzi bafite mu biganza ubukungu bw’Isi nabo ntibatanzwe kugerwaho n'ingaruka kuko abari ku rutonde ngaruka mwaka rwa Forbes 10 bose bamaze guhomba agera kuri miliyaridi 38 mu gihe kingana n'iminsi 3 (kuwa Gatanu –kuwa Mbere), ibi byatumye benshi bita umunsi w'uwa Mbere ushize uwa Mbere w’umukara (Black Monday).

Bezos umukire wa mbere ku Isi 

Umukire wa mbere ku Isi ari we Jeff Bezos icyumweru cyashize cyose yari yahombye agera kuri miliyaridi $14.1, none kuri uyu wa mbere uru rutonde rw’abahombye rwasohotse yongeye guhomba agera kuri miliyaridi $5.6, gusa aya ni ayo babaze mu gihe gito kingana n'icyumweru n'igice. Nk'uko CNBC ibivuga uyu mugabo mu kwezi kwa Gashyantare yahombye agera kuri miliyari $18, gusa siwe wenyine kuko n'abandi ubutunzi bwabo bwaramanutse cyane kuko Warren Buffet yahombye agera kuri miliyaridi $12 muri Gashyantare. 

Abahanga mu bukungu bavuga ko mu gihe haba ntagikozwe mu maguru mashya ngo iyi ndwara ibe yabonerwa urukingo birashora Isi mu gihombo gikabije ndetse gishobora no kuba kitarigeze kibaho mu mateka y’Isi. Uru rutonde tugiye kubagezaho ni urw'amafaranga yahombwe kuva kuwa 6 Werurwe 2020 kugera kuri uyu wa 9 Werurwe 2020.

Menya umubare buri umwe muri aba batunzi 10 ba mbere ku Isi yagiye ahomba

1.      Jeff Bezos, United States

Ingano y'akayabo yahombye: Miliyaridi $5.6

Ikigo akuramo imali: Amazon

2.      Bill Gates, United States

Ingano y'akayabo yahombye: Miliyaridi $3.8

Ikigo akuramo imali: Microsoft

3.      Bernard Arnault & family, France

        Ingano y'akayabo yahombye: Miliyaridi $6.0

 Ikigo akuramo imali: LVMH

4.      Warren Buffett, United State

   Ingano y'akayabo yahombye: Miliyaridi $5.4

   Ikigo akuramo imali: Berkshire

5.      Amancio Ortega, Spain

Ingano y'akayabo yahombye: Miliyaridi $2.8

Ikigo akuramo imali: Zara

6.      Mark Zuckerberg, United States

Ingano y'akayabo yahombye: Miliyaridi $4.2

Ikigo akuramo imali: Facebook

7.      Larry Ellison, United States

Ingano y'akayabo yahombye: Miliyaridi $1.8

Ikigo akuramo imali: Oracle 

8.      Carlos Slim Helu & family, Mexico

 Ingano y'akayabo yahombye: miliyaridi $4.8

  Ikigo akuramo imali: Grup Carso

9.      Michael Bloomberg, United States

Ingano y'akayabo yahombye: Miliyaridi $0

Ikigo akuramo imali: Bloomberg LP

10.  Larry Page, United States

Ingano y'akayabo yahombye: miliyaridi $3.3

Ikigo akuramo imali: Google

Src: Forbes.com  






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND