RFL
Kigali

Mahoro Clement yavuze amazina y’inkoko mu gitaramo 'Rwandan Theatre First Edition 2'-AMAFOTO

Yanditswe na: Kwizera jean de Dieu
Taliki:4/03/2020 18:55
0

Rwandan Theatre First ni igitaramo cyari gitegerejwe cyane cyabaye kuri iki cyumweru tariki 1 Werurwe 2020. Muri iki gitaramo cyatangiye saa Cyenda zuzuye (3:00’) gitangizwa na Sylivestre Nsengimana, Umut Arts na Mahoro Clement watunguranye avuga amazina y’inkoko.



Igitaramo cyatangiranye abantu bacye gusa bigaragara ko baza kwiyongera, byaje no kwigaragaza uko amasaha yagendaga yiyongera. Nk’uko byagaragaye muri iki gitaramo abashyitsi b’imena bari bamwe mu bakurikiranira hafi ikinamico mu Rwanda, abahanzi batandukanye kimwe n’abandi bakunda ikinamico y’imbonankubone.

Mahoro Clement ari kuvuga amazina y'inkoko

Nk’uko gahunda y’igitaramo yari imeze hagombaga gutarama Manzi le Poete, Carine Maniraguha, Sylivestre Nsengimana, Salim Nina na Mahoro Clement. Aba basore bose bataramye bakurikiranye bashimisha imbaga yiyongeraga uko iminota yagendaga yiyongera. 

Bigeze mu ma saa kumi n’igice (4:30) Mahoro Clement yageze imbere y’imbaga yitwaje inkoko bose bibaza icyo agiye kuyimaza birabashobera babifashwamo n’amatwi ubundi Clement ataka inkoko ari nako ayita amazina yatangaje benshi.

Clement ati” Ndibuka turi mu kirori twarariye turishima turanezerwa abantu baratangira bagaba inka, Nshuti ati mbahaye inkoko, abari aho bati” Ibyo byabaye he? …………Ndababwira ibyiza by’inkoko, itemba itoto, iravuga wayibona amazi akuzura akanwa, iravuga abasinziriye bagakanguka, ni inyarwanda, si inzungu, ni slay queen, ikaba icyuki mukonko ,…………”.

REBA HANO UKO CLEMENT YAVUGIRAGA INKOKO

Nyuma ya Mahoro Clement Umut arts na Igisubizo bashimishije abitabiriye igitaramo binyuze mu mikino itandukanye yigishaga kwirinda inda zitateganyijwe. Kakurikiyeho abahanzi batandukanye babinyuza mu ndirimbo za Kinyarwanda bashimisha abakunzi babo.

Nyuma y’igitaramo abitabiriye bahawe umwanya uhagije bagira icyo bavuga ku mikino ndetse no kuri iki gitaramo ‘Rwandan Theatre First kibaye ku nshuro ya kabiri. Mu byavuzwe harimo gusaba ko ubutaha hazahindurwa uburyo bw’imyambarire ku bakinnyi, aho igitaramo cyabereye ndetse no kubahiriza igihe. Iki gitaramo cyabaye cyari kigamije guteza imbere ikinamico mbonankubone.

REBA AMAFOTO Y'UKO BYARI BIMEZE








TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND