Icyorezo cyahereye mu gace ka Wuhan ko mu Bushinwa, ubu kimaze kwigabiza hafi imigabane yose igize isi. Umunsi ku wundi haravugwa abamaze gupfa cyangwa se bamaze kwandura iki cyorezo. Ubu, ibihugu bigera kuri 44 ni byo bimaze kugerwamo n’iki cyorezo kizwi nka COVID-2019.
Abarenga 81,000 bafite agakoko ka coronavirus, agakoko gatera indwara z’ubuhumekero. Iyi mibare, ikaba igaragara mu bihugu bigera kuri 44 ku isi hose. Kugeza magingo aya, abamaze guhitanwa n’iki cyorezo bagera ku 3,000. Abenshi muri abo, ni abo mu Bushinwa—Hubei aho icyorezo cyahereye.
Mu Burayi, hakomeje kugaragara ubwiyongere bw’abandura iki cyorezo. Ubu, mu Butariyani (Italy) hamaze kugaragara abagera kuri 400. Naho mu Burasirazuba bwo Hagati (Middle East) cyane cyane muri Iran haravugwa imibare y’abanduye bagera ku 100, ndetse ari nako icyorezo gisakara mu bihugu by’ ibituranyi nka; Iraq na Kuwait.
Ubu, Amakuru dukesha ikinyamakuru New York Times, avuga ko ubu Saudi Arabia yahagaritse igendo z’ Abasilamu basura Imijyi mitagatifu wa Macca na Madina. Muri Asia, Korea y’ Amajyepfo haravugwa imibare y’abagera ku 1,500.
Ikigo gikora imiti kizwi nka Gilead Sciences kirakomeza kwagura amageragezwa (Clinical trials), aho kirimo gutanga umuti w’igerageza ngo harebwe ko waba ari urukingo rwa COVID-2019. Muri Werurwe hatangira andi mageragezwa abiri aho hazakirwa abarwaye bagera ku 1,000. Iri, ni igeragezwa ry’ umuti, ntabwo biremezwa ko ariwo muti wa COVID-2019.
Imikino ya Olympics ibera muri Tokyo nayo biratekerezwa ko izakomeza nta nkomyi. N’ ubwo hakiri amaze atanu ngo imikino ibe, abateguraiyi mikino muri Japan ndetse na komite ya Olympic Mpuzamahanga, bagaragaza ko bafite ikizere cy’ uko iyi mikino iteganijwe kuba mu kwezi kwa 7, tariki 24, ko izaba ntakibazo.
Amakuru dukesha Spector index, ku rubuga rwabo rwa Twitter, agaragaza ibihugu bimaze kugaragaramo icyorezo cya coronavirus bwambere. Brazil, Pakistan, Macedonia, Greece, Georgia, Algeria, Norway, na Romania.
Imibare kuri ubu igaragazwa,yerekana ko abagera ku 3,000 bamaze kubura ubuzima bwabo kubera iki cyorezo cya Coronavirus, ubwo umubare munini ukaba uboneka mu Bushinwa. Ni mu gihe kandi abanduye barenga 8,000. Tubibutse ko iki cyorezo cyamenyekanye ku rwego mpuzamahanga mu mpera z' ukwezi kwa 12, umwaka ushize. Mu mezi atarenze abiri dore uko kigize Isi.
Eng
RSS 
TANGA IGITECYEREZO