Umunya-Espagne utoza ikipe ya Manchester City Pep Guardiola, avuga ko azaguma muri iyi kipe 100% kandi ko yizera ko "ukuri kuzatsinda", nyuma y'uko City ihagarikiwe mu marushanwa y'Uburayi izira gukoresha umutungo nabi.
Manchester
City ifite igikombe cya shampiyona y'Ubwongereza izwi nka Premier League,
yahawe igihano cyo guhagarikwa imyaka ibiri mu irushanwa ry'amakipe yabaye aya
mbere iwayo mu Burayi rizwi nka Champions League.
Yanaciwe
kandi ihazabu ya miliyoni 30 z'ama Euro (amafaranga akoreshwa mu muryango w'Ubumwe
bw'Ibihugu by'Uburayi).
Nyuma
y'icyo cyemezo cyafashwe n'ishyirahamwe ry'umupira w'amaguru mu Burayi, UEFA,
City ivuga ko izajurira mu rukiko nkemurampaka rw'imikino.
Guardiola
yagize ati: "Turajurira. Iyo umuntu yizera ko ari mu kuri, agomba
kwirwanaho. Turi abanyamwuga mu kibuga, ibibera hanze yacyo ntitwabigenzura
cyane."
Nyuma
y'umukino wabaye ku wa Gatatu Manchester City yatsinzemo West Ham 2-0 muri
shampiona, yongeyeho ati: "Twavuze ko ari byo tugomba gukora kugeza ku
mpera ya shampiyona, cyane cyane ku bantu bakunda iyi kipe.
"Tuzakina
umupira wacu ku buryo bwiza bushoboka. Dufite ibintu byinshi bishimishije byo
gukinira."
Mu
gihe yabazwaga niba azaguma muri Manchester City igihano yahawe nikigumaho,
yagize ati: "Nibatanyirukana nzaba ndi hano. Nkunda iyi kipe. Nkunda kuba
hano. Iyi ni ikipe yanjye kandi nzaguma hano, uko byagenda kose.
"Ikipe
igomba guhangana kandi nizera ikipe 100%, ibyo bakoze n'ibyo bansobanuriye.
Ibintu ntibirarangira, tuzategereza ariko igihe icyemezo kitarafatwa ugomba
gukina kandi gukina ni byo tuzakora."
Ku
wa Kane, Aymeric Laporte, ukina mu bwugarizi bw’iyi kipe yavuze ko abakinnyi
badatekereza ku gihano cya UEFA.
Yagize
ati: "Turi abanyamwuga, ikipe ikomeye kandi irimo abantu b'ijambo mu
rwambariro, kandi ntekereza ko dutekereza ku mupira w'amaguru, nta kindi."
Yongeyeho
ati: "Turi abanyamwuga kandi tugomba gukora akazi kacu. Ni ibyo."
Guardiola yemeza ko ukuri ariko kuzatsinda maze ikipe ye ikarenganurwa
Guardiola yanavuze ko atazigera ava muri Manchester City uko byagenda kose
Man.City yahanishijwe kutitabira amarushanwa yo ku mugabane w'iburayi imyaka ibiri
TANGA IGITECYEREZO