Kuri uyu wa Mbere tariki 27 Mutarama 2020 urukiko rukuru rwa gisirikare rwanzuye ko umuhanzi Uwimana Francis uzwi nka Fireman na Cpl Murwanashyaka Modeste bakurikiranyweho icyaha cy'ubufatanyacyaha mu gukubita no gukomeretsa barekurwa by'agateganyo bagakurikiranwa bari hanze.
Fireman na Cpl Murwanashyaka Modeste babanje gusomerwa imyirondoro yabo n'uko baburanye mu rwego rw'ubujurire mu rukiko rukuru rwa Gisirikare.
Umucamanza yavuze ko kuba Cpl Murwanashyaka Modeste yarageze Iwawa tariki 05 Ugushyingo 2018 akahava tariki 28 Ugushyingo 2018 kandi uwitwa Gisubizo Fabien ashinjwa kuba yarakubiswe avuga ko yakubiswe mu Ukuboza 2018 bishingirwaho byemezwa ko nta mpamvu zikomeye akekwaho iki cyaha.
Ikindi ni uko impapuro za gihanga za muganga zigaragaza ko Gisubizo Fabien afite inkovu ku itako mu gihe we avuga ko yavunitse igufa rya ruseke. Ibi kandi Cpl Murwanashyaka Modeste abihuriyeho na Uwimana Francis Fireman nawe urukiko rwanzuye ko nta mpamvu zikomeye zituma akekwaho iki cyaha.
Urukiko rwanzuye ko hari impamvu zikomeye zituma Fireman akurukiranwaho gukubita uwitwa Nkurikiyumukiza Vedaste umushinja kumukubita akamuvuna akaboko kuko hari abatangabuhamya babyemeza.
Urukiko rushingiye ku ngwate y'ikibanza kiri mu Kagali ka Ayabaraya mu Murenge wa Masaka cya Muhire Jean Claude [Jay C] rwemeje kurekura Fireman by'agateganyo.
Cpl Murwanashyaka Modeste nawe yarekuwe by'agateganyo asabwa gusubira mu mutwe wa gisirikare yabarizwagamo mu gihe kitarenze iminsi itanu.
Inkuru bifitanye isano: Isomwa ry'urubanza rwa Fireman ryimuwe bitunguranye
Eng
RSS 
TANGA IGITECYEREZO