Inzengo z’umutekano muri Somalia zataye muri yombi umuhanzi zimushinja gukorana n’umutwe wa al-Shabaab ugendera ku matwara akaze y'idini ya Isilamu washinzwe mu 2006 n’insoresore z'intagondwa.
Kuri uyu wa Gatatu tariki 22 Mutarama 2020 ubinyujije kuri konti ya Twitter, Umutwe w'Ubutasi wa Somalia (NISA) watangaje ko wataye muri yombi umuhanzi Abshir Garane Ahmed.
NISA yavuze ko uyu muhanzi ashinjwa kuba ‘intasi’ y’umutwe wa al-shabaab. Yasohoye kandi amashusho y’uyu muhanzi yiyemerera ko yari ‘umuyobozi w’iby’imari muri al-Shabaab’.
Ikinyamakuru The East African cyavuzwe ko nta gihe kizwi uyu muhanzi amaze aririmba mu itsinda bikavugwa ko yifashishije kuba azwi akinjira mu bikorwa byo gukorana n’uyu mutwe umaze gutwara ubuzima bwa benshi.
NISA ivuga ko mu buryo bw’ibanga yakurikiranye uyu muhanzi igihe kinini imenya uko akorana n’uyu mutwe. Mu minsi iri imbere uyu muhanzi aragezwa imbere y’urukiko aburana kubyo ashinjwa.
Muri Somalia iyo uhamijwe gukorana n’imitwe y’iterabwoba ukatirwa kwicwa. Mu Ukuboza 2019, al-Shabaab yakoze igitero muri Somalia cyahitanye 85,
Mu Ukuboza 2019 uyu mutwe wakoze ibitero byahitanye abarenga 85. Ku cyumweru gishize, uyu mutwe wateze igisasu mu mudoka cyahitanye ubuzima bw’abantu 12 barimo abanya-Turkie.
Ni mu gihe ku cyumweru gishize, abagera kuri 12 baturikanwe na bombe yatewe n’uyu mutwe, mu bapfuye harimo abanya-Turkie.
Kuva mu 2015 uyu mutwe uhanganye na Kenya kuva aho ingabo zayo zinjiriye muri Somalia kuwurwanya muri 2011. Perezida Uhuru Kenyatta aherutse gusaba ingabo z’igihugu cye gutegura ibikorwa bihangana n’iterabwoba.
Umutwe wa al-Shabaab watangiye kugaba ibitero mu
gihugu cya Somalia mu 2006. Kuva icyo gihe wagabye ibitero bikomeye imbere no
hanze y'igihugu.
Eng
RSS 
TANGA IGITECYEREZO