Hari byinshi uhurira nabyo mu rukundo ukabona ni byiza kuko biba byiganjemo ibimeneyetso bikwereka ko uwo mukundana agukunda kandi akwitayeho. Ibi akenshi usanga umusore cyangwa umukobwa aba akugaragariza ibyishimo akaguhora hafi ukabona iteka ko ahora agutekereza kandi akwitayeho.
Ushobora
kubona ko umukunzi akwitayeho binyuze mu butumwa butandukanye akoherereza,
uburyo agusura cyangwa ahora ashaka kumenya uko umerewe kenshi. Iyo inzira
zishaka kubyara amahari nabwo hari ibimenyetso bishobora kukugaragariza ko
urukundo rwanyu rugeze mu marembera.
Dore
bimwe mu bimenyetso bizakwereka ko umukunzi wawe ari hafi kuva mu rukundo:
Kutaguha
agaciro nka mbere
Mu
gihe uwo mukundana yatangiye kukugaragariza bimwe muri ibi bimenyetso
uzamenyeko ashobora kuba yaratangiye kuva mu rukundo. Ibi ushobora kubyerekwa
n’uko ashobora kwirengagiza ubutumwa wamwandikiye ntabusubize ndetse akaza no
kuguha impamvu zidasobanutse, kumva yishimanye n’umuryango we udahari ukabona
ntacyo bimubwiye. Ku kwereka ko utari uw’ibanze mu buzima bwe.
Guhora
ahuze
Mu
gihe uri mu rukundo uwo mukundana yaba umusore cyangwa umukobwa agahora
akwereka ko ahuze, igihe wifuje ko muganira akakwereka ko hari utuntu
ahugiyemo, uzameneye ko hari ikitari kugenda neza mu rukundo rwanyu. Ibi
bishobora no kuba intandaro yo gutandukana kwanyu. Mu gihe ibi ubona byabaye ni
byiza kumwegera mukaganira wakumva bitagifite igaruriro ukamureka nawe
ukamweraka ko utakimukeneye mu rukundo aho kuguma guta umwanya wiruka inyuma y’ibigusiga.
Atangira
ku kubwira ko atizeye neza niba akigukunda
Mu
gihe ubona umukunzi wawe yatangiye kumera nk’uhinduka cyangwa ukabona asa
n’utakikwitayeho, maze wamubaza niba akigukunda akagusubiza ko atabizi neza
cyangwa atabihamya. Uzamenye ko yaba ari mu nzira zo kuva mu rukundo. Aha
ugomba kureba niba ataba ari wowe byaturutseho mukabiganiraho wasanga atari
wowe ukumva atakikwifuza ukamureka.
Kukujya
kure
Igihe
uzabona ko utangiye kujya umukenera ntumubone ukabona bias no kukwitaza uzamenye ko yatangiye kuva mu
rukundo.
Si
byiza rero kwihambira ku muntu kuko numuhatiriza ntazaba agukunda azaba
akubeshya. Nawe uzahitemo kumuha akanya akore ikimurimo utamubangamiye iyo
umuntu akweretse ko atagukeneye nawe urabyumva ntugume kumutaho umwanya.
Kugira
atangira kujya aguhisha
mu
gihe uwo mukundana yaba umuhungu cyangwa umukobwa atangiye kujya akwereka ko
hari byinshi agukinga, aguhisha ku bimwerekeyeho ku buzima bwe ndetse n’ibindi
bindi bitandukanye yari asanzwe akuganirizaho ujye ukenga wumve ko inzira
zishobora kubyara amahari. Ibi bishobora kujyana no kumushaka utamubona
akakubeshya ibyo yari arimo cyangwa akaguhisha ibyo yari ari gukora. Ibi
bishobora kujyana no kujya aguhisha amabanga akomeye yerekeye ubuzima bwe bwite
kuko aba asa nk’aho atakikwiyumvamo.
Atangira kwinubira ibyo umukorera
Niba wamuhamagaraga kenshi bikamushimisha atangira kwanga ku kwitaba, waba wamusuraga kenshi agatangira kugira gahunda nyinshi zituma utamubona kuburyo aba asa n'uwakurambiwe.
Atangira kureka kukwita amazina yakwitaga
Akenshi abantu bakundana baba bahamagarana utuzina tw'urukundo ariko iyo atangiye kubivamo utangira kumva atakiguhamagara uko yaguhamagaraga ndetse ukumva ko kubivuga bimuteye isoni cyane cyane iyo hari abantu bari kumwe namwe. ibi ni ikimenyetso simusiga ko atangiye kuva mu rukundo nawe uba ugomba gutangira kwakira ibiri kuba amazi atararenga inkombe.
Atangira kwanga impano wamuhaga
Akenshi umuntu uri kuva mu rukundo yanga impano wamuhaga kuko aba yumva ko atakizikwiye cyane ko ziba zitanamunezeza nka mbere. Akubwira ko yumva akugora akakwereka ko zimaze kuba nyinshi mbese akigira nk'aho ari impuhwe agufitiye. iyo bibaye ngombwa anakubuza kuzongera kuzimuha akakubeshya ko nakenera ikintu azajya akubwira ariko wowe akakubuza kumutungura.
Ni ibimenyetso byinshi umuntu atarondora ngo birangire ariko niba umuntu atakigukeneye ni byiza ko mubanza kuganira ukamenya niba atari wowe kibazo ubundi ugafata ingamba. Ntuzereke umuntu ko umukeneye kurenza uko agukeneye cyane mu rukundo. Hari imvugo ivuga ko igihembo cyo guhendahenda cyane ari ugusuzugurwa.
TANGA IGITECYEREZO